مەملەكەت باسشىلارى قازاق-قىرعىز قاتىناسىنداعى دوستىق, تاتۋ كورشىلىك جانە ستراتەگيالىق ارىپتەستىكتى ودان ءارى نىعايتۋعا ۋاعدالاسىپ, ەكىجاقتى بايلانىستاردىڭ كۇن تارتىبىندەگى وزەكتى ماسەلەلەردى تالقىلادى.
اڭگىمەلەسۋ بارىسىندا سادىر جاپاروۆ قازىرگىدەي قيىن كەزەڭدە قىرعىزستانعا ۇنەمى قولداۋ كورسەتىپ, كومەك بەرگەنى ءۇشىن قاسىم-جومارت توقاەۆقا جانە جالپى قازاق حالقىنا العىس ايتتى.
مەملەكەت باسشىسى قازاقستاننىڭ قىرعىز رەسپۋبليكاسىمەن وداقتاستىق قارىم-قاتىناستاردى تەرەڭدەتە بەرۋگە بەيىلدى ەكەنىن اتاپ ءوتتى.
– ءبىز قىرعىزستاننىڭ ساياسي تۇراقتىلىعى مەن ەكونوميكالىق تۇرعىدان ءوسىپ-وركەندەۋىنە تىلەكشىمىز. قازاقستان وسىنداي قيىن ۋاقىتتا باۋىرلاس ەلدى ءاردايىم قولداعان جانە قولداي بەرەدى, – دەدى قازاقستان پرەزيدەنتى.
