ءىس-شارا بارىسىندا, ارداگەرلەر دەپارتامەنت مۇراجايىندا بولىپ, ونداعى قۇندى جادىگەرلەرمەن تانىستى. وزدەرىنىڭ قىزمەتتىك جولدارىن, باستان كەشكەن وقيعالارىن ەسكە الىپ, وسىلايشا وتكەن شاققا ويشا ساپار شەككەندەي كەرەمەت سەزىمدە قالعاندارىن ايتىپ جەتكىزدى.
ءىس-شارا پد, قالا, اۋدان كادر ساياساتى ءبولىمىنىڭ باسشى قۇرامدارى مەن پوليتسيا ارداگەرلەرىنىڭ قاتىسۋىمەن وتكىزىلگەن دوڭگەلەك ۇستەلمەن جالعاسىن تاپتى. اشىق الاڭ, ەركىن پىكىرتالاس جۇرگىزىلىپ, ارداگەرلەردىڭ ۇسىنىستارى مەن سۇرانىستارىنا قۇلاق ءتۇرىلدى. بۇگىنگى كۇندە, پوليتسيا دەپارتامەنتىنىڭ باستىعى ج.باقتىباەۆتىڭ تىكەلەي تاپسىرماسىمەن قالا, اۋدان بويىنشا ءار ۋچاسكەلىك پوليتسيا پۋنكتتەرىنە ءبىر-بىردەن ارداگەر تاعايىنداۋ بويىنشا جۇمىستار جۇرگىزىلۋدە. ونداعى ماقسات – قازىرگى كەزدە قىزمەت اتقارۋشى پوليتسيا قىزمەتكەرلەرى مەن ارداگەرلەردىڭ اراسىنداعى بايلانىستى نىعايتۋ, سونىمەن قاتار, ەكى بۋىنداعى ويلار مەن ەكى بۋىنداعى كوزقاراستاردى توعىستىرا وتىرىپ, حالىقپەن ءتيىمدى ءارى تىعىز بايلانىس ورناتۋ.
پوليتسيا دەپارتامەنتىندە پوليتسيا قىزمەتكەرىنىڭ ءيميدجىن قالىپتاستىرۋدا تۇرعىلىقتى جۇمىستار اتقارىلۋدا. ال, ارداگەرلەردى قازىرگى پوليتسيا قىزمەتىنە ارالاسۋعا جۇمىلدىرۋ, يميدج قالىپتاستىرۋ بارىسىنداعى ءبىر اسپەكت بولىپ ەسەپتەلەدى. اسەرلى دە مازمۇندى وتكەن شارا سوڭىندا ارداگەرلەر پوليتسيا دەپارتامەنتىنىڭ باستىعى ج.باقتىباەۆ پەن باسشى قۇرامعا ءوز العىستارىن ءبىلدىردى.
ماڭعىستاۋ وبلىسى
