ۆەنگريانىڭ كونستيتۋتسياسى بويىنشا, ۇكىمەت توتەنشە جاعداي رەجىمىن 15 كۇنگە جاريالاي الادى, ال ونىڭ مەرزىمىن ۇزارتۋ ءۇشىن پارلامەنتاريلەردىڭ ۇشتەن ەكى بولىگىنىڭ رۇقساتىن الۋ كەرەك. توتەنشە جاعداي ۇكىمەتكە كەيبىر زاڭنامانىڭ قولدانىلۋىن توقتاتا تۇرۋعا جانە باسقا توتەنشە شارالاردى قاۋلىلار ارقىلى قابىلداۋعا مۇمكىندىك بەرەدى.
"پارلامەنت ۇكىمەتتىڭ كوروناۆيرۋستىڭ ەكىنشى تولقىنىنا قارسى شارالارى تۋرالى زاڭىن قابىلدادى, پاندەميا سالدارىنان جاريالانعان توتەنشە جاعدايدى 90 كۇنگە ۇزارتتى", دەلىنگەن حابارلامادا.
زاڭ جوباسى جەدەلدەتىلگەن تارتىپپەن 180 داۋىس ارقىلى قابىلدانعان, تەك ءبىر پارلامەنتاري قارسى شىققان.
سونىمەن بىرگە ۇكىمەت توتەنشە جاعداي رەجىمىن ۋاقىتىنان بۇرىن الىپ تاستاي الادى. زاڭعا سايكەس, ۇكىمەت پاندەميامەن كۇرەستىڭ ءار قادامىن دەپۋتاتتارعا حابارلاپ وتىرۋى كەرەك.
