ەلباسى • 11 قاراشا، 2020

ۇلتارالىق تاتۋلىق ءبىزدىڭ باستى بايلىعىمىز

221 رەت كورسەتىلدى

تۇڭعىش پرەزيدەنت – ەلباسى، قازاقستان حالقى اسسامبلەياسىنىڭ توراعاسى نۇرسۇلتان نازارباەۆتىڭ قاتىسۋىمەن قحا كەڭەسىنىڭ كەزەكتى وتىرىسى ءوتىپ جاتىر، دەپ حابارلايدى Egemen.kz

"قيىن جاعدايعا بايلانىستى كەڭەس وتىرىسىن بەينەبايلانىس تۇرىندە وتكىزىپ وتىرمىز. بۇل جيىنىمىز قازاقستان حالقى اسسامبلەياسىنىڭ 25 جىلدىق مەرەيتويىنا ارنالادى. بارشاڭىزدى وسى مەرەكەمەن قۇتتىقتايمىن. مەرەيتويلىق مەجە وتكەنگە كوز جۇگىرتىپ، اتقارىلعان جۇمىستى قورىتىندىلاۋعا سەبەپ بولىپ وتىر. اسسامبلەيانىڭ قانداي قيىن ۋاقىتتا قۇرىلعانىن ءبارىمىز بىلەمىز. بۇرىنعى كسرو-نىڭ ىدىراۋى، تاۋەلسىز مەملەكەتتەر دوستاستىعىنىڭ قالىپتاسۋى، تاريحي شيەلەنىستى، ەرتەڭگى ومىرگە دەگەن سەنىمسىزدىك زامانىندا قۇرىلدى. بىراق، ءبىز ءدال سول كەزدە ءوزىمىز ءۇشىن ءبىر نارسەنى قابىلدادىق. ۇلتارالىق تاتۋلىق ءبىزدىڭ باستى بايلىعىمىز بولۋى كەرەك"، دەدى كەڭەس وتىرىسىن اشقان ەلباسى.

مەملەكەت باسشىسى 1992 جىلدىڭ 14 جەلتوقساندا وتكەن قازاقستان حالىقارالىق فورۋمىندا جۇرتىمىزدىڭ كەلىسىمى مەن بىرلىگىنە نەگىزدەلگەن اسسامبلەيا قۇرۋ جونىندە باستاما كوتەرگەنىن ەسكە سالىپ ءوتتى.

"1995 جىلى 1 ناۋرىزدا قازاقستان حالقى اسسامبلەياسىن قۇرۋ تۋرالى جارلىققا قول قويىلدى"، دەيدى ەلباسى.

القالى وتىرىسقا مەملەكەت باسشىسى قاسىم-جومارت توقاەۆ، كەڭەس مۇشەلەرى، ورتالىق مەملەكەتتىك جانە جەرگىلىكتى اتقارۋشى ورگانداردىڭ باسشىلارى، پارلامەنت دەپۋتاتتارى، ەتنوبىرلەستىكتەردىڭ توراعالارى قاتىسىپ جاتىر.

 

 

سوڭعى جاڭالىقتار

ۇقساس جاڭالىقتار