قاراتوبە اۋدانىنداعى كىشكەنتاي حانكول اۋىلىنىڭ تۇرعىندارى ءوز اۋىلىنىڭ ماڭىندا سارى شاشتى ايەلدىڭ ەلەسى پايدا بولدى دەپ الاڭداۋلى. ول ادامداردى قورقىتادى. جەرگىلىكتى تۇرعىندار ءتىپتى جىن-پەرىلەردەن ارىلۋ ءۇشىن ساداقا بەرىپ, قۇرباندىق شالۋ ءراسىمىن دە جاسادى.
"سارى شاشتى جاس ايەل تراسسادا قىدىرىپ ءجۇر. ادامدار ودان قاتتى قورقادى, ءتىپتى ەر ادامدار قورقىپ جولدان وتە الماي ءجۇر", دەيدى جەرگىلىكتى تۇرعىندار.
تاعى ءبىر تۇرعىننىڭ ايتۋىنشا, سارى شاشتى ايەل كولىكتەگى جۇرگىزۋشىلەردىڭ قاسىنا وتىرىپ, ءرۋلدى باسقارۋعا كەدەرگى كەلتىرگەن.
كەيىنگى كۇندەرى جەلىدە "حانكولدەگى ەلەسكە" قاتىستى ۆيدەو دا پايدا بولدى. دەگەنمەن بۇل ۆيدەونىڭ قانشالىقتى شىندىققا جاناساتىنى ءالى انىقتالمادى. نازارلارىڭىزعا Tengrinews.kz سايتى جاريالاعان ۆيدەونى ۇسىنامىز
