ۋچاسكەلىك پوليتسەيلەر ءۇي ارالاپ ءجۇر

تۇرمىستىق قورلىق-زوم­بىلىقتىڭ الدىن الۋ ءۇشىن اقتوبە وبلىسىنىڭ بارلىق ۋچاس­كەلىك پوليتسيا ينسپەكتورلارى وزدەرىنە بەكى­تىل­گەن اۋماقتاعى تۇرعىن ۇيلەردى ارالاۋعا كىرىستى.

ويتكەنى بۇل شارا بى­رىن­شىدەن, ۋچاسكەلىك پولي­تسەي­لەردىڭ وزدەرىنە بەكىتىلگەن اۋماقتاعى قوعامدىق ءتارتىپتىڭ ساقتالۋىن قاداعالاۋ بولسا, ەكىنشى جاعىنان تۇر­عىن­دارمەن سەنىمدى قارىم-قا­تىناس ورناتىپ, قىلمىستىڭ الدىن الۋدىڭ بىردەن-ءبىر امالى. ماس­كۇنەمدىككە شال­دىققان تۇر­عىندار, كيكىلجىڭى كوپ وتباسىلار, كامەلەتكە تولماعان بالالارى ءجيى كەتىپ قالاتىن ۇيلەردى ۋچاسكەلىك پوليتسەيلەر ءجيى باقىلاپ, وتباسى مۇشەلەرىمەن تىكەلەي بايلانىس جاساپ تۇرۋى ءتيىس.

ۋچاسكەلىك پوليتسەيلەر كوپ­قاباتتى ۇيلەردى ارا­لاپ, تۇرعىنداردىڭ قۇجات­تا­­رىن تەكسەرۋ بارىسىندا پا­تەرلەرىن سالىق ورگاندا­رىندا تىركەمەي جالعا بەرە­تىندەردى دە انىقتادى. سول جەردە دەرەۋ حاتتاما تولتىرىلىپ, ما­لىمەتتەر سالىق ورگاندارىنا جىبەرىلدى.

تۇرعىن ءۇي اۋماقتارىن ارالاۋ كەزىندە پوليتسيانىڭ مالىمەتتەر بازاسىندا تىر­كەلگەن قارۋ يەلەرى تەكسە­رىل­دى. زاڭدى تۇردە تىر­كەلگەن قارۋ مەن وق-دارى­لەردىڭ ءۇي جاعدايىندا سەيفتە ساقتا­لۋىن قاتاڭ باقىلاۋ– قارۋ-جاراقتىڭ يەسىنەن وزگە بى­رەۋلەردىڭ قولىنا ءتۇسىپ, نە ۇرلانىپ كەتپەۋى ءۇشىن جا­سالعان ارەكەتتەر. سەبەبى – قا­رۋ يەسى ءوز جاۋاپكەرشىلىگىن سەزىنۋگە ءتيىس. وسى شارا كە­زىندە اقتوبە قالاسى مەن اۋدان­دارىنان ەش جەردە تىر­كەل­مەگەن 22 قارۋ تابىلدى.

ينسپەكتوردىڭ وزىنە بەكى­تىلگەن اۋماقتاعى تۇرعىن ۇي­لەردى ارالاۋى كەيبىر ازامات­تارعا جاقپاي قالىپ ءجۇر. ما­سەلەن, مارتوك اۋدانىنىڭ تۇرعىنى ا.ستەپانوۆا ۋچاس­كەلىك ينسپەكتوردى با­لا­عات­تاعانى ءۇشىن قوعامدىق جۇ­­مىسقا تارتىلدى

وقيعا بى­لاي بولعان. اۋداندىق پوليتسيا بەكەتىنىڭ كەزەكشى بو­لىمىنە تەلەفون شالعان قىز بالا ىشىمدىك ىشكەن اناسىنىڭ وتباسىندا جانجال شىعارىپ جات­قانىن حابارلايدى. جە­دەل شاقىرتۋ تۇسكەن بويى تارتىپكە شاقىرۋعا بارعان ۋچاسكەلىك ينسپەكتوردى وسى ايەل بالاعاتتايدى. ينس­پەك­تور اكىمشىلىك حاتتاما تول­تىرىپ, قىزمەتتىك مىن­دەت­تەرىن ورىنداۋ كەزىندە ار-نا­مىسىنا تيگەن ايەلدىڭ ۇستى­نەن سوتقا شاعىمدانعان. مارتوك اۋداندىق سوتىنىڭ سۋ­دياسى ءتارتىپ بۇزۋشىنى قو­­عامدىق جۇمىسقا تارتۋعا شەشىم شىعاردى. ەندى پرو­با­تسيا قىزمەتىندە تۇرعان ا.ستە­پانوۆا ون كۇن بويى كۇ­نى­نە ءتورت ساعاتتان مارتوك ەلدى مە­كەنىنىڭ كوشەلەرىن سىپىرىپ ءجۇر.

«ەسەپتە تۇرعان سوتتالعان ازا­ماتشا وتبا­سىلىق جانجالدى تۋ­دىرعانى ءۇشىن ءارى ينسپەكتوردى بالاعاتتاعا­نى ءۇشىن اكىمشىلىك جاۋاپ­كەر­شىلىككە تارتىلدى. ول كو­شە­لەردى سىپىرۋ, سايا­باقتاردى قوقىستان تا­زارتۋ, اعاشتار­دى اك­تەۋ سەكىلدى جەرگىلىكتى ورگان­دار مەن مارتوك اۋدا­نى­نىڭ پروباتسيا قىزمەتى ۇيىم­­داستىراتىن باسقا دا قو­عام­دىق جۇمىستاردى ورىن­­­دايتىن بولادى», دەيدى اق­توبە وبلىسى بويىنشا قىل­­مىستىق-اتقارۋ جۇيەسى دەپار­تامەنتىنىڭ ءباسپاسوز حات­شىسى گۇلفايرۋز تورە­مۇراتوۆا.

اقتوبە