پوليتسياعا ونىڭ جوعالىپ كەتكەنى تۋرالى اپكەسى حابارلاعان. ول 28 قازاندا بەلگىسىز باعىتقا شىعىپ كەتكەن. ءسويتىپ ءتارتىپ ساقشىلارى بارلىق سىرتقى قىزمەتتەرگە باعدار رەتىندە جولداعان. ونى ىزدەستىرۋگە ەرىكتىلەر دە ارالاسقان. پوليتسەيلەرمەن بىرگە ولار ورمان القاپتارىن شولىپ, قاراۋسىز قالعان قۇرىلىستاردى, قۇدىقتاردى تەكسەرۋگە قاتىستى.
جىل باسىنان بەرى ەرىكتىلەر وسىنداي 70-تەن اسا ىزدەۋ شارالارىنا اتسالىسقان. ولاردىڭ تىكەلەي كومەگىمەن الەۋمەتتىك جەلىلەر ارقىلى حابار تاراتىلىپ, 11 ادام امان تابىلدى.
ۆ.لاريونوۆتى دا ەرىكتىلەر الەۋمەتتىك جەلىلەردىڭ تانىمال پابليكتەرىنە سالىپ, ەرەكشە بەلگىلەرىن كورسەتكەن.
"الەۋمەتتىك جەلىلەر بۇگىن – حالىقتى اقپاراتتاندىرۋدىڭ ەڭ ءتيىمدى تاسىلدەرىنىڭ ءبىرى. قولدانۋشىلار بەيجاي قالمايدى, كەيدە كورسەتىلگەن بەلگىلەرگە ۇقساس ادامدى كوردىك دەپ جازىپ جاتادى", دەيدى سقو پد كريمينالدىق پوليتسيا باسقارماسىنىڭ باستىعى پوليتسيا پولكوۆنيگى پيوتر كليموۆ.
وبلىستا اعىمداعى جىلدىڭ 10 ايىندا عانا 40 ادامعا ىزدەۋ جاريالانىپ, ونىڭ 35-ءى تابىلدى.
