ايماقتار • 10 قاراشا، 2020

اقتوبەدە اعاش ءوسىرۋدىڭ بەسجىلدىق جوسپارى بەكىتىلدى

322 رەت كورسەتىلدى

كەلەسى جىلدان باستاپ وڭىردەگى ءاربىر ەلدى مەكەنىنىڭ اينالاسىنا 240 گەكتاردان اعاش كوشەتتەرى وتىرعىزىلىپ، كوكتەمدە نە كۇزدە جەرگە شانشىلعان ءاربىر شىبىقتىڭ قۋراپ كەتپەۋىن باقىلاۋ اۋىل اكىمىنە قوسا مىندەتتەلەدى، دەپ حابارلايدى Egemen.kz

اعاش ءوسىرۋدىڭ بەسجىلدىق جوباسى ىسكە اسسا، 2025 جىلدىڭ كوكتەمىندە وڭىردەگى ءار ەلدى مەكەنننىڭ جانىندا 1200 گەكتار توعاي جايقالىپ تۇرۋى ءتيىس.  وسىلايشا، وبلىستاعى وتىز جىل بۇرىنعى ورمان القابىن قالىپقا كەلتىرۋ ءۇشىن ناقتى قادامدار جاسالا باستادى.

وڭىردە جاسىل جەلەك بەلدەۋىن قالىپتاستىرۋ جوباسىنىڭ  بارلىق تارماعى "اقتوبە وبلىسىندا   ورمان شارۋاشىلىعىن دامىتۋدىڭ 2021-2023 جىلدارعا ارنالعان ءىس-شارالار جوسپارىنا" كىرىپ، وسى جىلدىڭ باسىندا اۋىل شارۋاشىلىعى مينيسترلىگىندە ماقۇلداندى.

اقتوبە وبلىسى اۋماعىندا جاسىل جەلەك بەلدەۋىن قالىپتاستىرۋ جوسپارىنىڭ نەگىزگى باعىتتتارى – جىل سايىن ارناۋلى تالىمباقتاردا 7،5 ميلليون ءتۇپ  كوشەت وتىرعىزۋ جانە وسى وسكىندەردى تاراتۋ، ورمان القابىن جىلما-جىل 1077 گەكتارعا ۇلعايتۋ، دالا ورتتەرىمەن كۇرەس.

سوڭعى جىلدارى وبلىستىڭ 12 اۋدانىندا جوسپارلى تۇردە  جاسىل بەلدەۋ قۇرۋ شارالارى مۇلدە جۇرگىزىلمەدى. بۇرىن وزەن ساعالارىندا وسكەن  توعاي اۋماعى كەڭەيتىلىپ، جەتى اۋدانداعى ورمان شارۋاشىلىعى مەكەمەلەرى اعاشتاردى كۇتىپ-باپتاۋمەن اينالىسىپ كەلسە، 25 جىلدان بەرى وسى توعايلار قاراۋسىز قالدى.

بۇل ءۇردىستى تەك شالقار اۋدانى عانا ۇمىتقان جوق. جەرى شولەيت وسى اۋداندا  قۇمنىڭ كوشۋىن توقتاتۋ ماقساتىندا جىل سايىن  5 گەكتار جەرگە توبىلعى مەن جىڭعىل، سەكسەۋىل وتىرعىزىلادى. بىراق شولدە وسەتىن بۇتالاردىڭ ءارى قارايعى جەرسىنۋى، ولاردى كۇتىپ-باپتاۋعا قاتىستى تولىق  باقىلاۋ جوق. بۇل اعاشتار قۇم ىشىندە ءوسىپ جاتىر ما، الدە قۋراپ قالدى ما، سۇراۋى جوق بولىپ تۇر. سونداي-اق حرومتاۋ اۋدانى دا كوگالداندىرۋ جۇمىستارىن بيىل عانا قولعا الىپ، حرومتاۋ قالاسىنىڭ ىرگەسىندە 5 گەكتار القاپقا جەرگىلىكتى كليماتقا ءتوزىمدى اعاش-تەرەكتەر ەگىپ، جاز بويى كۇتىپ-باپتادى.

ورمان القابىن ساقتاۋ، توعايلارداعى ەسكى اعاشتاردىڭ ورنىنا جاڭا كوشەتتەر وتىرعىزۋ، ولاردى ورتتەن قورعاۋ بويىنشا قازىرگى ۋاقىتتا ەشكىم جاۋاپ بەرمەيدى. وسىعان دەيىن اتى بار دا، زاتى جوق مەكەمەلەرگە اينالعان ورمان شارۋاشىلىعى مەكەمەلەرى تەك بيىل ەسەپ بەرە باستادى.

اقتوبە وبلىسىنىڭ تابيعي رەسۋرستار جانە تابيعاتتى پايدالانۋدى رەتتەۋ باسقارماسى جاسىل ايماق قۇرۋ جۇمىستارىن باسكەلەستىك ورتاعا بەرۋگە ىقىلاستى. ەندىگى جەردە اۋداندارداعى جەتى ورمان مەكەمەسى  اعاش وسىرەتىن جەردى الدىن الا دايىنداۋ، مەكەمەلەردى جاس وسكىندەرمەن قامتاماسىز ەتۋمەن اينالىسادى. دالالىقتا وتىرعىزىلعان اعاش كوشەتتەرىنە دە وسى ارناۋلى مەكەمەنىڭ ماماندارى كۇتىم جاسايتىن بولادى.

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار