الەم • 10 قاراشا، 2020

رەسەيدە ءبىر كۇندە 20 مىڭنان استام ادامنان كوروناۆيرۋس انىقتالدى

7 رەت كورسەتىلدى

رەسەيدە ءبىر تاۋلىك ىشىندە كوروناۆيرۋس ينفەكتسياسى 20 977 ادامنان انىقتالدى، دەپ حابارلايدى Egemen.kz.

ءوسىم قارقىنى 1،2 پايىز دەڭگەيگە جەتتى. جۇقتىرعانداردىڭ تورتتەن بىرىندە بەلگىلەر جوق.

سونىمەن قاتار ءبىر تاۋلىك ىشىندە 368 ادام قايتىس بولدى. اۋرۋحانالاردان 15،6 مىڭ ناۋقاس شىعارىلدى. جۇقتىرعانداردىڭ كوپشىلىگى ماسكەۋ قالاسىندا انىقتالدى - 5902 ء(بىر كۇن بۇرىن 6897-ەپيدەميا كەزىندەگى رەكورد)، سانكت-پەتەربۋرگتە - 1485 جانە ماسكەۋ وبلىسىندا - 685. ەڭ ازى - چۋكوتكادا 6، نەنەتس اۆتونوميالىق وكرۋگىندە 8 جانە ەۆرەي اۆتونومياسىندا 36 جاعداي تىركەلدى.

ءبىر كۇن بۇرىن ەلدە جاڭا جاعدايلاردىڭ رەكوردتىق سانى تىركەلدى - 21 798. ەلدە كوروناۆيرۋس ينفەكتسياسىمەن جالپى 1،8 ميلليون ادام انىقتالدى. 31 161 ناۋقاس قايتىس بولدى، 1،3 ميلليوننان استام ادام ەمدەلدى.

سوڭعى جاڭالىقتار

ۇقساس جاڭالىقتار