ءسىز بىلەسىز بە؟..

*  *  *

فۋتبولدى ەرەكشە جاقسى كوردى. ارقا­شان قاقپاشى بولاتىن.

*  *  *

ءومىر بويى تەمەكىگە قاتتى قۇمار بولعان. ءتىپتى مىسىعىن «سيگارەت» دەپ اتاپتى.

*  *  *

جۇگەرى بوتقاسىن ءسۇيىپ جەيتىن.

*  *  *

البەر كاميۋ شىعارمالارىن تۇرىپ جازادى ەكەن. بۇل قاتاردا ەرنەست حەمينگۋەي, ۆلاديمير نابوكوۆ پەن ۆيردجينيا ۆۋلف تا بار.

*  *  *

ءوز بەتىمەن «تەاتر كومانداسىن» قۇرعان. وندا دوستوەۆسكيدىڭ «اعايىندى كارا­ما­زو­ۆتارىن» قويىپ, ءوزى يۆان كارامازوۆتىڭ رولىندە ويناپتى.

*  *  *

1946 جىلى نيۋ-يورككە ساپارىندا ول ورتالىق زووپاركقا جيىرما رەت بارادى. اۆتوردىڭ جان-جانۋارعا قىزىعۋشىلىعىن وسىدان-اق بايقاۋعا بولار, ءسىرا.

*  *  *

جازۋشى جول اپاتىنان 46 جاسىندا قايتىس بولدى.

ۆلاديمير ماياكوۆسكي

قانداي دا ءبىر اۋرۋ, باكتەريا, ميكروبتاردان ەرەكشە ساقتاناتىن. سول ءۇشىن سابىن سالعىشىن ارقاشان وزىمەن بىرگە الىپ ءجۇرىپتى.

*  *  *

بيليارد پەن كارتا ويىندارىن قاتتى جاقسى كورگەن.

*  *  *

بار عۇمىرىندا ءۇش رەت قاماۋعا الىندى.

*  *  *

بىرنەشە فيلمدە ويناعان.

*  *  *

مۇقتاج قاريا كىسىلەرگە ارقاشان اقشا بەرەتىن.

*  *  *

ءيتتى وتە قاتتى جاقسى كوردى. ساياحاتتاۋدى دا ۇناتقان.

*  *  *

ماياكوۆسكي ادەتتە ولەڭدى جاياۋ ءجۇرىپ شىعاراتىن. كەيدە جاڭا ۇيقاس تابۋ ءۇشىن 15-20 كم جول جۇرۋگە تۋرا كەلىپتى.

يوگانن گەتە

الەم ادەبيەتىنە «فاۋستى» سىيلاعان اۆتور سارىمساقتىڭ يىسىنە ءھام تەمەكىنىڭ تۇتىنىنە شىدامايتىن بولعان. سونداي-اق ءيتتىڭ ۇرگەنىن دە جەك كورىپتى.

*  *  *

وزىنە ۇنامايتىن ادامدارعا كوزىل­دى­رىكپەن قارايتىن.

*  *  *

گەتە شەگىرگۇلدىڭ (فيالكا) حوش ءيىسىن جاق­­سى كورگەنى سونشالىق ءار ساپارىندا ءتۇرلى سورتتارىن ساتىپ اكەلىپتى. ول گۇل­دەردى ءوز ۇيىندە عانا ەمەس, ۆەيماردىڭ كوپ جەرلەرىندە وسىرگەن. سوندىقتان دا بۇل قالا «گۇلدەر قا­لاسى» دەگەن مارتەبەگە يە بولىپتى. قازىرگى تاڭ­دا دا گەرمانيادا شەگىرگۇلدى «گەتەنىڭ گۇل­دەرى» دەپ اتايدى ەكەن.

پۋشكين ءھام «ەۆگەني ونەگين»

«ەۆگەني ونەگين» جەتى جىل, ءتورت اي, ون جەتى كۇندە جازىلعان.

*  *  *

العاشقى بولىمدەرىندە جاس پۋشكيننىڭ اينالاسىنداعى تانىس ادامدار كەيىپكەر بولىپتى. نەگىزىنەن, ولار تەاتر ارتىستەرى ەدى.

*  *  *

بىردە كارتادان ۇتىلعان پۋشكين اقشاسىن قايتارىپ الۋ ءۇشىن «ەۆگەني ونەگيننىڭ» بەسىنشى تاراۋىنىڭ قولجازباسىن تىگەدى. جەڭىلەدى دە قولجازبانى زاگراجسكي ۇتىپ الادى. سوندا الەكساندر سەرگەەۆيچ كونعا ءبىر قوراپ دۋەل تاپانشالارىن قويىپتى. ءسويتىپ, «ونەگيندى» قايتارىپ الادى.

*  *  *

دانتەسپەن سوڭعى دۋەل ونەگين مەن لەنسكيدىڭ وقيعاسىنا ۇقساس. الايدا پۋشكين ءوزىنىڭ ءولىمىن ءدال بولجادى: دانتەس ونەگين سەكىلدى توسقاۋىلعا جەتپەي اتىپ تاستادى. ال پۋشكين لەنسكي سياقتى ەندى نىسانانى كوزدەپ جاتقان ەدى. تاعى ءبىر ۇق­ساستىق: ونەگين مەن دانتەس سول كەزدە 25 جاستا بولاتىن.

*  *  *

اقىن ءاۋ باستا ونەگيندى كاۆكازعا سو­عىسۋعا جىبەرۋدى, ياكي ونى دەكابريستكە اينال­دىرۋدى ويلاپتى. بىراق سوڭىندا شى­­عارمانىڭ ءتۇيىنىن وقىرمان ەركىنە قال­دىرۋدى ءجون ساناعان.

يۆان بۋنين

جاقسى فيزيكالىق دايىندىعىنىڭ ءھام ىمداۋ ونەرىنىڭ بايلىعىنىڭ ارقا­سىن­دا جازۋشى اكتەر بولا الدى. وعان ك.س.ستا­نيسلاۆسكيدىڭ ءوزى گاملەتتىڭ ءرولىن ۇسىنعان.

*  *  *

بۋنين ءدارى-دارمەكتەردىڭ قوراپشالارى مەن ىدىستارىن جيناۋعا, سونداي-اق ول ادامنىڭ جەلكەسى مەن اياق قولدارىنا قاراپ بەت بەينەسىن انىقتاۋعا قىزىقتى.

*  *  *

ول وتە كۇمانشىل جانە ىرىمشىل ادام بولىپتى. ون ءۇشىنشى قاتارداعى ۇستەلگە تاپ كەلسە, وتىرماعان ءھام «ف» ارپىنە يرراتسيونالدى ۇنامسىزدىقتى سەزىنەتىن.

*  *  *

بۋنين – كسرو-داعى العاش باسىلعان ەميگرانت قالامگەر.

ميحايل بۋلگاكوۆ

ءوزى بارعان تەاتر, كونتسەرت بيلەتتەرىنىڭ كوللەكتسياسىن جينادى.

*  *  *

اۆتور ارنايى ءبىر البومعا شىعار­ما­لارى تۋرالى, اسىرەسە پەسالارى حاقىنداعى سىني ماقالالاردى جيناپ ساقتاعان. جا­ريالانعان رەتسەنزيالاردىڭ ىشىندە, بۋل­گا­كوۆتىڭ ساناۋى بويىنشا 298 ماقالا اۆتور تۋىندىلارىن تەرىسكە شىعارسا, تەك 3 ماقالا عانا جاقسى جاعىنان باعالاعان.

*  *  *

جازۋ ۇستەلىنىڭ جانىندا ەسكى ويىل­عان سۋرەت ءىلىنىپ تۇراتىن. وندا ءومىر باس­پال­داقتارى بەينەلەنەگەن.

*  *  *

سەگىز جاسىندا العاش رەت «پاريج قۇداي اناسىنىڭ سوبورىن» («سوبور پاريجسكوي بوگوماتەري») وقىپ, ءومىرىنىڭ سوڭىنا دەيىن ساناسىندا جاتتالىپ قالىپتى.

*  *  *

ءبىرىنشى دۇنيەجۇزىلىك سوعىسقا قاتىسقان.

*  *  *

جازۋشى ۇيىندە شىنىمەن بەگەموت اسى­راعان. بىراق ول يت بولاتىن.

*  *  *

بۋلگاكوۆ بيلىكتىڭ 9 رەت اۋىسقانىنا كۋا بولدى.