بايقاۋ قازاقستان رەسپۋبليكاسى تاۋەلسىزدىگىنىڭ 30 جىلدىعىن تويلاۋ اياسىندا وتكىزىلەدى. بايقاۋدىڭ ماقساتى – حالىقتىڭ قۇقىقتىق ساناسى مەن مادەنيەتىن, سونداي-اق پاتريوتيزمدىك سەزىمدى ارتتىرۋ, ىشكى ىستەر ورگاندارىنىڭ قىزمەتكەرلەرىن وتانعا قالتقىسىز قىزمەت ەتۋگە, انت پەن قىزمەتتىك پارىزعا ادال بولۋعا تاربيەلەۋ.
بۇدان بۇرىن جاريالانباعان ءىرى پروزا جانرىنداعى دەتەكتيۆتىك شىعارمالاردى (80 بەتتەن تۇراتىن روماندار مەن 50 بەتتەن تۇراتىن پوۆەستەر) قابىلداۋدى ۇيىمداستىرۋ كوميتەتى 2021 جىلعى 1 ءساۋىر مەن 1 مامىر ارالىعىندا جۇرگىزەدى.
بايقاۋ ەرەجەلەرىمەن ىشكى ىستەر مينيسترلىگىنىڭ رەسمي پاراقشاسىنان, الەۋمەتتىك جەلىلەردەن جانە Polisia.kz سايتى مەن وڭىرلىك دەپارتامەنتتەردىڭ پاراقشالارىنان تابا الاسىزدار.
بايقاۋ قورىتىندىسىن ەلىمىزگە تانىمال اقىن-جازۋشىلار, سىنشىلار مەن ادەبيەتتانۋشىلار, قوعام قايراتكەرلەرى, جۋرناليستەر جانە ىشكى ىستەر ورگاندارىنىڭ ارداگەرلەرى شىعاراتىن بولادى.
