وقيعا • 09 قاراشا، 2020

ترانزيتتىك كولىك جۇرگىزۋشىلەرىنەن ۆيرۋس تابىلدى

139 رەت كورسەتىلدى

اقتوبە وبلىسى اۋماعىندا ىندەتكە بايلانىستى سانيتارلىق-ەپيدەميالىق جاعدايدىڭ تۇراقتى بولعانىنا قاراماستان، سىرتتان كەلىپ-كەتىپ جاتقان جولاۋشىلاردان قاۋىپ كۇننەن-كۇنگە ارتىپ كەلەدى. ويتكەنى قارعالى اۋدانىنداعى الىمبەت جانە مارتوك اۋدانىنداعى «جايساڭ» بەكەتتەرى ارقىلى كۇنىنە مىڭداعان اۋىر ترانزيتتىك كولىك ءوتىپ جاتىر.

وسى كەزگە دەيىن اۋە كو­لى­گى ارقىلى كەل­گەندەردەن قاۋىپتى دەرت تابىلعان جوق. قاۋىپ اۆتوكولىكپەن ءوتىپ جات­قانداردان تۋىن­داپ تۇر. سونىڭ ىشىندە شەكارا وتكىزۋ بەكەت­تەرى ارقىلى وبلىس اۋماعىنان رە­سەي­گە قاراي جانە بەرى ءوتىپ جاتقان تران­زيت اۋىر كولىكتەرى سانيتارلىق-ەپي­دە­ميالىق قىز­مەت مامان­دارىنىڭ الاڭ­­داۋشىلىعىن تۋعىزىپ وتىر. ءۇش كۇن بۇرىن «جايساڭ» وتكىزۋ بەكەتىندە ەكى قازاقستاندىق پەن ءبىر رەسەي ازاماتىنىڭ پتر-تەست قورى­تىن­دىسى وڭ ناتيجە كورسەتىپ، ولار دەرەۋ وقشاۋ­لانعان.

حالىقارالىق جۇك تاسى­مال­داۋشىلارى وبلىس اۋماعىنىڭ بىرنەشە ەلدى مەكەندەرىنىڭ ۇستىنەن ءوتىپ، جول بويى كەمپينگتەرگە، جانار-جاعارماي قۇيۋ بەكەتتەرىنە، دۇكەندەرگە توقتايتىنى انىق. قاۋىپتى دەرتتىڭ اۋىلداردا تارالىپ كەتپەۋى ءۇشىن شەتەلدىك جۇر­گىزۋشىلەردىڭ جول بو­يىن­داعى سەرۆيستىك قىز­مەت كورسەتەتىن نىساندار قىزمەتكەرلەرىمەن بايلانىسىن بولدىرماۋدى باقىلاۋ اسا ماڭىزدى. قازىر نەگىزىنەن، وزبەكستاندىق جانە قىرعىز اۋىر جۇك كولىكتەرىن ەلدى مەكەندەرگە كىدىرمەۋىن پاترۋلدىك پوليتسەيلەر باقى­لاپ، ولاردى وبلىس شەكاراسىنان شىعارىپ سالىپ ءجۇر. دەگەنمەن كۇنىنە ءارلى-بەرلى ءوتىپ جاتاتىن مىڭداعان ترانزيتتىك كولىكتەردىڭ ءبارىن بىردەي باقىلاۋ مۇمكىن ەمەس. اقتوبە وبلىسى اۋماعىندا بلوك-بەكەتتەر قويىلعان جوق. ال جەرگىلىكتى دارىگەرلەردىڭ ايتۋىنشا، پنەۆمونيامەن اۋرۋحاناعا ءتۇسىپ جاتقاندار قالادا بىرتىندەپ كوبەيىپ كەلەدى.

 

اقتوبە

 

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار