قىلمىس "براكونەر" جەدەل-پروفيلاكتيكالىق ءىس-شارا اياسىندا وبلىستىق پوليتسيا دەپارتامەنتىنىڭ كريمينالدىق پوليتسيا باسقارماسى جانە وبلىستىق ۇلتتىق قاۋىپسىزدىك كوميتەتى دەپارتامەنتىنى قىزمەتكەرلەرىنىڭ بىرلەسكەن جۇمىس ناتيجەسىندە انىقتالدى.
تەرگەۋ كەزىندە يتەلگى تۇقىمدى سيرەك كەزدەسەتىن ەكى قۇس تارباعاتاي اۋدانى اۋماعىندا اۋلانعانى بەلگىلى بولدى.
كۇدىكتىلەردى ۇستاۋ كەزىندە سيرەك كەزدەسەتىن قۇستارمەن قاتار, اۋلاۋعا ارنالعان تورى بار مەتالدان جاسالعان قۇرال تاركىلەندى.
- 37 جانە 43-جاستاعى ەكى تۇلعاعا قاتىستى قىلمىستىق كودەكستىڭ 339 بابىنىڭ 1 ءبولىمى بويىنشا تەرگەپ-تەكسەرۋ ارەكەتتەرى باستالدى, - دەدى وبلىستىق پوليتسيا دەپارتامەنتى باستىعىنىڭ ورىنباسارى تالعات شاياحمەتوۆ.
پوليتسيا قىزمەتكەرلەرى قىزىل كىتاپقا ەنگىزىلگەن سيرەك كەزدەسەتىن جانۋارلار تۇرلەرىن زاڭسىز اۋلاعاندار قىلمىستىق جاۋاپكەرشىلىككە تارتىلاتىنىن قاتاڭ ەسكەرتتى.
شىعىس قازاقستان وبلىسى
