ۆيتسە-پرەمەر وڭىردەگى ەپيدەميالىق احۋال جونىندە كەڭەس وتكىزىپ, جەرگىلىكتى مەملەكەتتىك ورگاندار باسشىلىعىنىڭ ايماقتا قابىلدانىپ جاتقان شارالار تۋرالى ەسەبىن تىڭدادى.
ەرالى توعجانوۆ بيىلعى قاراشا ايىنان باستاپ وڭىردە COVID-19 فاكتىلەرىنىڭ ەداۋىر ءوسۋى تىركەلگەنىن اتاپ ءوتتى. قوستاناي قالاسىندا, جىتىقارا, قارابالىق اۋداندارىندا ەپيدەميالىق جاعدايدى تۇراقتاندىرۋ قاجەتتىلىگىنە ەرەكشە نازار اۋداردى.
ۆيتسە-پرەمەر وڭىردەگى ەپيدەميالىق جاعدايدى تۇراقتاندىرۋ بويىنشا جەرگىلىكتى مەملەكەتتىك ورگانداردىڭ جۇمىسىنىڭ ناشارلىعىن اتاپ ءوتىپ, دەنساۋلىق ساقتاۋ مينيسترلىگى ۇسىنىمدارىنىڭ ساقتالۋىنا باقىلاۋدى كۇشەيتۋدى تاپسىردى. پرەمەر-ءمينيستردىڭ ورىنباسارى وبلىستىڭ كەيبىر قالالارى مەن اۋداندارىندا پتر تەستىلەۋدىڭ بولماۋىن ەسكەرە وتىرىپ, بۇل قىزمەتتىڭ وبلىس تۇرعىندارى ءۇشىن قولجەتىمدى بولۋىن قامتاماسىز ەتۋدى شۇعىل شەشۋدى تاپسىردى.
كەشە ۆەدومستۆوارالىق كوميسسيانىڭ كەلىسىمى بويىنشا وبلىس اكىمدىگى اعىمداعى جىلدىڭ 9 قاراشاسىنان باستاپ سانيتارلىق رەجىمدى قاتاڭداتۋ جونىندە بىرقاتار شارانى قابىلدادى. سونىمەن قاتار, ۆەدومستۆوارالىق كوميسسيا وبلىس اكىمدىگىنە قوسىمشا شەكتەۋ شارالارىن قابىلداۋدى, سونىڭ ىشىندە قوستاناي – قاراعاندى, قوستاناي – الماتى باعىتتارى بويىنشا تەمىر جول تاسىمالدارىن اپتاسىنا 7 رەتتەن 3 رەتكە دەيىن قىسقارتۋدى جانە وبلىس ىشىندە جولاۋشىلار تەمىر جول قۇرامدارىن توقتاتۋعا تىيىم سالۋدى (وبلىس اكىمدىگى ايقىندايتىن ورىنداردى قوسپاعاندا) تاپسىردى.
سونداي-اق, ءوڭىر باسشىلىعىنا كارانتين رەجىمىن ساقتاۋ بويىنشا مونيتورينگ توپتارىنىڭ قىزمەتىن كۇشەيتۋ, سونداي-اق تۇرعىندار اراسىندا كارانتين رەجىمىن مۇلتىكسىز ساقتاۋ قاجەتتىلىگى تۋرالى اقپاراتتىق-ءتۇسىندىرۋ جۇمىستارىن جۇرگىزۋ تاپسىرىلدى. جۇمىس ساپارى بارىسىندا پرەمەر-ءمينيستردىڭ ورىنباسارى مەديتسينالىق نىسانداردا, اتاپ ايتقاندا وبلىستىق اۋرۋحانادا, مەديتسينالىق ماسكا وندىرەتىن كاسىپورىندا جانە ءدارى-دارمەك قويمالارىندا بولىپ, ءوڭىردىڭ كوروناۆيرۋس ينفەكتسياسىنىڭ ىقتيمال تولقىنىنا دايىندىعىن تەكسەردى. وڭىردەگى ەپيدەميالىق جاعداي ۇكىمەتتىڭ تۇراقتى باقىلاۋىندا.
قوستاناي وبلىسى
