ايماقتار • 06 قاراشا، 2020

ەكىنشى تولقىنعا قارسى دايىندىق كۇشەيتىلدى

43 رەت كورسەتىلدى

قايتالانۋى مۇمكىن ىندەتتىڭ ەكىنشى تولقىنىنا  وڭىردەگى دايىندىق تۋرالى  ورتالىق كوممۋنيكاتسيالار قىزمەتىندە وتكەن  بريفينگتە اقتوبە وبلىسىنىڭ اكىمى وڭداسىن ورازالين باياندادى، دەپ حابارلايدى Egemen.kz  

جازداعى جاعداي  ءوڭىردىڭ مەديتسيناسىنداعى كەمشىلىكتەردى اشىپ قانا قويماي، سونداي-اق  دارىگەرلەردىڭ  دە ادام ءومىرىن قۇتقارۋداعى وراسان زور ەڭبەگىن كورسەتتى.  كوكتەم-جاز ايلارىندا اقتوبەلىك 3250 تۇرعىن  COVID-19- كە شالدىعىپ، ولاردىڭ اراىنان قايتىس بولعاندار دا بار.

6 قاراشاداعى مالىمەت بويىنشا،  اقتوبە وبلىسىندا    2 تۇرعىن كوروناۆيرۋسقا شالدىقسا، پنەۆموني دياگنوزىمەن 4  ناۋقاس تىركەلگەن.  وسى  6 ناۋقاس شەكارا باقىلاپ-وتكىزۋ بەكەتتەرىنەن وتكەندە دەنە قىزۋى جوعارى بولىپ،   بىردەن اۋرۋحاناعا جىبەرىلگەن.

بۇلاردىڭ ءبارى دە  رەسەي فەدەراتسياسىنان كەلگەن  وبلىس تۇرعىندارى.

ءدارى-دارمەك تاپشىلىعى، ىندەتكە دايىندىقتىڭ ناشارلىعى، كوۆيد كەزىندە «انا ءولىمىنىڭ 13 ەسەگە ارتۋىنا» بايلانىستى   جەرگىلىكتى اتقارۋشىلىق بيلىك  مەملەكەت باسشىسىنىڭ  قاتاڭ سىنىنا ۇشىراعانى بەلگىلى. انا ءولىمىنىڭ كوبەيۋى سەبەبىن   وڭداسىن ورازالين بىلاي  دەپ ءتۇسىندىردى: "بىلتىر 1، بيىل  14  انا ءولىمى تىركەلدى. وكىنىشكە قاراي  9 ايەل جۇكتىلىك كەزىندە  كوۆيدكە شالدىعىپ، ومىردەن ءوتتى. ارتىنان تەكسەرىس جۇرگىزىلىپ،  ولاردى دەر كەزىندە  باقىلاۋعا الماعان اۋرۋحانا باسشىلارى جاۋاپقا تارتىلدى".

قازىر  قالالىق   جانە اۋداندىق اۋرۋحانالار  ەكى ايلىق ءدارى-دارمەك  قورىمەن تولتىرىلدى.  ناۋقاستارعا 3600 توسەك ورىن، رەانيماتسيادا 400 توسەك-ورىن ازىرلەنىپ، ولار   وكپەنى جاساندى جەلدەتۋ اپپاراتتارىمەن  جابدىقتالعان. ينۆەستورلار 550 ميلليون تەڭگە قارجى ءبولىپ، وعان رەسەي فەدەراتسياسىنان كوۆيدكە قارسى  ءدارى-دارمەكتەر  الىنىپ، دارىحانالارعا تاراتىلدى.

وبلىس اۋماعىنان رەسەي فەدەراتسياسىنان  ءارلى-بەرلى كۇنىنە مىڭداعان كولىك ءوتىپ جاتقاندىقتان، شەكارانىڭ ارعى جاعىنان كوۆيد تاراتۋشىلار قاۋپى جوعارىلاپ بارادى. بۇگىنگى كۇنى "الىمبەت" جانە «جايساڭ» وتكىزۋ بەكەتتەرىنەن سىرتتان كەلگەن كەز كەلگەن قازاقستاندىقتىڭ قولىندا جارامدىلىق مەرزىمى 3-كۇنگە تەڭ پتسر-تەست بولۋى كەرەك. كۇردەلى ماسەلە – وبلىس اۋماعىنان وتەتىن ترانزيتتىك كولىكتەرگە توقتاۋ جوق. بۇل جەردە ترانزيتتىك اۋىر كولىكتەر جۇرگىزۋشىلەرىندە جوعارى  دەنە قىزۋى بايقالسا،  ولار تۋرالى مالىمەتتەر دەرەۋ  بلوك-بەكەتتەرگە حابارلانادى.

 

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

ۇقساس جاڭالىقتار