قاجەتتى قىزمەتكە سىلتەمەسى بار حابارلاما كۋالىك مەرزىمنىڭ اياقتالۋىنا ءبىر اي قالعاندا جىبەرىلەدى.
«ەسىڭىزگە سالامىز, جاقىن ارادا ءسىزدىڭ جەكە كۋالىگىڭىزدىڭ (پاسپورتتىڭ, جۇرگىزۋشى كۋالىگىنىڭ) قولدانىلۋ مەرزىمى اياقتالادى. جاڭا قۇجاتتى الۋ ءۇشىن ءسىز ۇيدەن شىقپاي-اق eGov.kz ارقىلى ءوتىنىش بەرە الاسىز», دەلىنگەن ەسكەرتۋدە. «SMS حابارلاما جىبەرۋ ارقىلى ءبىز پرواكتيۆتى فورماتتا جاقىن ارادا قۇجاتتىڭ مەرزىمى اياقتالاتىن قازاقستاندىقتاردى ەسكەرتۋدى جوسپارلاپ وتىرمىز. بۇل ازاماتتارعا Gov.kz پورتالى ارقىلى قۇجاتتارىن مەرزىمى وتپەي تۇرىپ تاپسىرىس بەرۋ مۇمكىندىك تۋادى. وسىلايشا ءبىز قازاقستاندىقتاردى مەرزىمى وتكەن قۇجات ءۇشىن سالىناتىن ايىپپۇلدان قورعايمىز», - دەپ ءتۇسىندىردى «ۇلتتىق اقپاراتتىق تەحنولوگيالار» اق باسقارما توراعاسى اسەت تۇرىسوۆ.
SMS حابارلاما العان ازاماتتار Gov.kz پورتالىندا ءوز قۇجاتتارىن ۇزارتا الادى. جەكە كۋالىك پەن پاسپورتتى «پاسپورت, جەكە كۋالىك الۋ» قىزمەتىن پايدالانۋ ارقىلى ۇزارتۋعا بولادى. الايدا قولدانىلۋ مەرزىمى وتكەن جەكە باستى كۋالاندىراتىن قۇجاتتى تەك حقكو-دا اۋىستىرۋ كەرەك. جۇرگىزۋشى كۋالىگىن قۇجاتتىڭ قولدانىلۋ مەرزىمى وتكەن, تەگى, اتى جانە اكەسىنىڭ اتى وزگەرگەن, جوعالعان نەمەسە ۇرلانعان جاعدايدا eGov.kz پورتالىندا ونلاين ءوتىنىم بەرۋ ارقىلى قايتا شىعارۋعا بولادى. ول ءۇشىن پورتالدا «جۇرگىزۋشى كۋالىكتەرىن بەرۋ» قىزمەتىن تاڭداۋ قاجەت.
سونداي-اق, ءموبيلدى ازاماتتار بازاسىندا تىركەلگەن ازاماتتارعا تۋعان كۇنىنە وراي 1414-تەن قۇتتىقتاۋى بار حابارلاما جولدانادى.
