ايماقتار • 06 قاراشا، 2020

اليك شپەكباەۆ: فرونت-كەڭسەلەردى شاعىن كەنتتەردىڭ تۇرعىندارى ءۇشىن دە قامتاماسىز ەتۋ قاجەت

49 رەت كورسەتىلدى

قوستاناي وبلىسىنا ساپارى بارىسىندا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ وبلىس اكىمى ارحيمەد مۇحامبەتوۆپەن بىرگە رۋدنىي جانە ليساكوۆ قالالارىندا بولدى، دەپ حابارلايدى Egemen.kz

ازاماتتاردىڭ قاجەتتىلىگىنە باعدارلانۋ – سىبايلاس جەمقورلىققا قارسى ساياساتتىڭ ماڭىزدى بولىگىنىڭ ءبىرى ەكەندىگى بۇرىننان ايتىلىپ كەلەدى. وسى تۇرعىدان العاندا، اشىقتىق، ايقىندىق جانە ەسەپتىلىك ارقىلى مەملەكەتتىك اپپاراتتى ترانسفورماتسيالاۋ ماڭىزدى ءرول اتقارادى.

سىبايلاس جەمقورلىققا قارسى ۆەدومستۆو باسشىسى اكىمدىكتەردە ء"بىر تەرەزە" قاعيداتىمەن ازاماتتارعا سەرۆيستىك جانە كەدەرگىسىز قىزمەت كورسەتۋگە ارنالعان "كومەك الاڭى" فرونت-كەڭسەلەرىنىڭ جۇمىسىمەن تانىستى. كەز كەلگەن ازامات كابينەتتەردىڭ تابالدىرىعىندا كەزەك كۇتپەي-اق جۇگىنە الادى. اكىمدىكتەردىڭ قىزمەتكەرلەرى تۇرعىن ءۇي-كوممۋنالدىق شارۋاشىلىق، جەر قاتىناستارى، الەۋمەتتىك قورعاۋ، اۋىل شارۋاشىلىعى جانە باسقا دا سالالار بويىنشا كەڭەستەر بەرەدى. ەلەكتروندىق قىزمەتتەردى الۋ ءۇشىن وزىنە-ءوزى قىزمەت كورسەتۋ بۇرىشتارى دا قاراستىرىلعان.

"تۇرمىستىق سىبايلاس جەمقورلىق ازاماتتار ءۇشىن قولايلى جاعداي جاسالماعان جەردە تارالادى. ازاماتتاردىڭ قاجەتتى زاڭدى كومەك الۋ ءۇشىن مەملەكەتتىك قىزمەتشىگە سىيلىق بەرۋىنە جول جوق. شەنەۋنىكتەر ماسەلەنى شەشۋ جولدارىن تارىلتىپ، كەڭسەلەردە وتىرعان قىزمەتكەرلەردىڭ ماڭىزدىلىعىن جاساندى تۇردە اسىرا كوتەرمەۋى ءتيىس. ءاربىر مەملەكەتتىك قىزمەتشىنىڭ جۇمىس بارىسىندا ۇستاناتىن قاعيدالارى – ادالدىق، ءتارتىپ، قولجەتىمدىلىك، اشىقتىق پەن ادىلدىك. اكىمدىكتەردىڭ ىڭعايلى فرونت-كەڭسەلەرىمەن مەگاپوليستەردىڭ عانا ەمەس، شاعىن كەنتتەردىڭ تۇرعىندارى ءۇشىن دە قامتاماسىز ەتۋ قاجەت"، دەپ اتاپ ءوتتى اليك شپەكباەۆ.

رۋدنىي مەن ليساكوۆ قالالارىندا "كومەك الاڭى" اشىلعان ساتتەن باستاپ ولارعا 12 مىڭنان استام تۇرعىن جۇگىندى. جەرگىلىكتى بيلىكتىڭ ايتۋىنشا، جاقىن ارادا وبلىستىڭ حالقى تىعىز ورنالاسقان بارلىق اۋىلدارىنىڭ اكىمدىكتەرى وسىنداي جۇمىس نىسانىنا كوشەدى.

سونداي-اق، اگەنتتىك توراعاسى جەرگىلىكتى مەملەكەتتىك كىرىستەر ورگاندارىنا تابان تىرەپ، ازاماتتار مەن كاسىپكەرلەرگە قىزمەت كورسەتۋ زالدارىنىڭ جۇمىسىمەن تانىستى. سونىمەن قاتار، ليساكوۆ قالاسىندا اليك شپەكباەۆ پەن ارحيمەد مۇحامبەتوۆ كۇردەلى جاعدايلاردى شەشۋگە كومەك كورسەتۋ تۋرالى ءوتىنىش بىلدىرگەن ازاماتتاردى بىرلەسكەن قابىلداۋ وتكىزدى.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

5 ادام سۋعا كەتتى

قوعام • بۇگىن، 08:20

جاستارعا ارنالعان جارمەڭكە

قوعام • بۇگىن، 08:18

جاستار جۇمىسپەن قامتىلدى

قوعام • بۇگىن، 08:15

سالعىرتتىق سان سوقتىرماسا ەكەن

ايماقتار • بۇگىن، 08:12

كيىكتەر كىمگە كەدەرگى؟

قازاقستان • كەشە

ەكى اۋىلعا گاز جەتتى

ايماقتار • كەشە

ينفلياتسيا يىلە مە؟

قوعام • كەشە

ءدارى مەن ءسوز ءدارۋى

مەديتسينا • كەشە

ۇقساس جاڭالىقتار