باكيەۆ قىرعىزستاننان كەتتى

15 ساۋىردە ەقىۇ-نىڭ ءىس باسىنداعى توراعاسى, قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ مىناداي مالىمدەمە جاسادى: بۇگىن, 15 ساۋىردە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ, اقش پرەزيدەنتى باراك وباما مەن رەسەي فەدەراتسياسىنىڭ پرەزي­دەنتى دميتري مەدۆەدەۆتىڭ بىرلەسكەن كۇش-جىگەرى, سونداي-اق ەقىۇ, بۇۇ جانە ەو-نىڭ بەل­سەندى ارااعايىندىعى ناتيجە­سىن­دە قىرعىز رەسپۋبليكاسىنىڭ ۋا­قىتشا ۇكىمەتىمەن جانە پرە­زيدەنت ق.س.باكيەۆپەن سوڭعىسى­نىڭ ەلدەن كەتۋى تۋرالى ۋاعدا­لاس­تىققا قول جەتكىزىلدى. قازىرگى كەزدە ق.س.باكيەۆ قىر­عىزستان اۋماعىن تاستاپ شىقتى. بۇل ەلدەگى احۋالدى رەتتەۋ جانە ونىڭ قۇقىقتىق ارناعا ورالۋى ازامات سوعىسىنا ورىن بەرمەۋ جولىنداعى ماڭىزدى قادام بولدى. قىرعىزستانداعى بۇكىل حالىقتىڭ مۇددەسى جولىندا ءبىز ەلدىڭ بارشا ساياسي كۇشتەرىن تەزدەتىپ تۇراقتىلىقتى قامتاما­سىز ەتۋگە, قوعامدىق ءتارتىپ پەن زاڭ ۇستەمدىگىن قالپىنا كەل­تىرۋگە, بارىنشا وتكىر الەۋمەت­تىك-ەكونوميكالىق پروبلەما­لاردى شەشۋگە شاقىرامىز. ەۋروپاداعى قاۋىپسىزدىك جانە ىنتىماقتاستىق جونىندەگى ۇيىم قىرعىز رەسپۋبليكاسىنىڭ ساياسي داعدارىستان تەزىرەك شىعۋىنا جانە ونىڭ بۇدان ءارى بەيبىت دەموكراتيالىق دامۋىنا الداعى كەزدە دە قاجەتتى جاردەم كور­سەتۋ­گە ءازىر.