ايماقتار • 05 قاراشا، 2020

قويما جەرگىلىكتى ونىممەن تولدى

27 رەت كورسەتىلدى

اقتوبە وبلىسىنىڭ شارۋالارى بيىلعى جىلدىڭ ونىمىنەن تۇراقتاندىرۋ قورىنا  3 مىڭ 600 توننادان استام كوكونىس جەتكىزىپ بەردى، دەپ حابارلايدى Egemen.kz.

قازىر مارتوك، قارعالى اۋداندارىنىڭ شارۋا قوجالىقتارىنان تىكەلەي تاسىلعان   2 مىڭ 339 توننا كارتوپ، 535 توننا پياز، 419 توننا ءسابىز جانە 319 توننا قىرىققابات تۇراقتاندىرۋ قورىنىڭ قويماسىنا سالىندى.

دككشش

بۇگىن وڭىرلىك تۇراقتاندىرۋ قورىن قالىپتاستىرۋ جونىندەگى كوميسسيا مۇشەلەرى كوكونىس ساقتاۋ قويماسىنا كەلىپ، قىسقى ازىقتىڭ ساپاسىن تەكسەردى. "اقتوبە" الەۋمەتتىك-كاسىپكەرلىك كورپوراتسياسى اگروونەركاسىپ كەشەنى جانە ازىق-ت ۇلىك قاۋىپسىزدىگى دەپارتامەنتىنىڭ باس مەنەدجەرى ميرامبەك اناروۆتىڭ ايتۋىنشا، قورعا ءۇش شارۋاشىلىق – «پريگورودنىي» ، «بولات لتد» جانە «ەلامان-2014» جشس-تەرى كارتوپ، ءسابىز، پياز، قىرىققابات  جەتكىزسە، سوڭعى ەكەۋى 200 توننادان كارتوپ تاپسىرعان. قىس بويى ەرەكشە تەمپەراتۋرادا ساقتالاتىن كوكونىس جازعا شەيىن مولىنان جەتۋى كەرەك.

«حالىق كوپ تۇتىناتىن كوكونىس تۇراقتى باعامەن قالاداعى «تابىس» كوممۋنالدىق بازارىندا، شاعىن بازارلار مەن «HALYQ SAUDA» الەۋمەتتىك دۇكەندەرىندە ساتىلادى»، دەدى ميرامبەك اناروۆ.

ايتا كەتۋ كەرەك، بۇل –وبلىستا حالىق ەڭ كوپ تۇتىناتىن ازىق-ت ۇلىك، سونىڭ ىشىندە كوكونىس باعالارىنىڭ كوتەرىلىپ كەتپەۋىنە جول بەرمەۋ ءۇشىن جاسالىپ جاتقان قادامدار.  سول ءۇشىن دە بيىلعى كوكتەمدە   جەرگىلىكتى شارۋا قوجالىقتارىنىڭ وسىرگەن ونىمدەرىن تۇراقتاندىرۋ قورىنا ساتىپ الۋ ءۇشىن  وبلىستىق بيۋدجەتتەن 240 ميلليون تەڭگە بولىنگەن بولاتىن.

 

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

ۇقساس جاڭالىقتار