«كاسىپكەرلىك سۋبەكتىلەرى شەكتەۋ جانە كارانتين شارالارىن بۇزۋدى جالعاستىرۋدا, ولاردىڭ اراسىندا تۇراقتى تۇردە ءتارتىپ بۇزۋشىلار بار. بارلىعى نۇر-سۇلتان قالاسىندا 25 نىسان تىركەلدى, وندا بىرنەشە رەت شەكتەۋ جانە كارانتين شارالارى بۇزىلعان. ولارعا قاتىستى اۋداندىق پوليتسيا باسقارمالارىنان 140-تان استام ماتەريال كەلىپ ءتۇستى. بۇل قوعامدىق تاماقتانۋ جانە ويىن-ساۋىق مەكەمەلەرى - كلۋبتار, كاراوكەلەر», - دەدى جاننا پىراليەۆا.
جالپى بۇل مەكەمەلەرگە 15 ميلليون تەڭگە ايىپپۇل سالىندى. بارلىعى 836 جەكە, لاۋازىمدى تۇلعالار مەن كاسىپكەرلىك سۋبەكتىلەرى شەكتەۋ جانە كارانتين شارالارىن بۇزعانى ءۇشىن اكىمشىلىك جاۋاپكەرشىلىككە تارتىلدى.
نۇر-سۇلتان قالالىق پوليتسيا دەپارتامەنتىنىڭ جەرگىلىكتى پوليتسيا قىزمەتىنىڭ ءبولىم باستىعى ازامات سادىقوۆ جاڭا زاڭ بۇزۋشىلىق جاعدايلارى تۋرالى ايتتى.
«مەيرامحانالاردا اۋقىمدى وتباسىلىق ءىس-شارالار وتكىزۋ ءۇردىسى بايقالادى. مىسالى, 25 قازاندا ءموبيلدى توپ سەمبينوۆ كوشەسىندە كارانتين رەجيمىن بۇزا وتىرىپ جۇمىس ىستەگەن «سۇڭقار» مەيرامحاناسىن انىقتادى. مەكەمەدە «قالجا تويى» شاراسىن وتكىزگەن 50-دەن استام كەلۋشى بولعان. جالپى, قالا بويىنشا كارانتيندى بۇزۋدىڭ 2029 جاعدايى تىركەلگەن. ولاردىڭ 213-ءى ماسكا تاعۋ ءتارتىبىن ەلەمەۋگە قاتىستى», - دەدى ازامات سادىقوۆ.
قالا تۇرعىندارى بارلىق سانيتارلىق-ەپيدەميولوگيالىق ەرەجەلەردى ساقتاۋى, اسا قاجەتتىلىك بولماسا ادام كوپ جينالاتىن جەرلەرگە بارماۋى ءتيىس.
