الماتى 2 – وسكەمەن 1 جانە نۇر-سۇلتان – وسكەمەن 1 باعىتىنداعى پويىزداردىڭ ءجۇرۋ جيىلىگى ازايدى. ساپارعا شىعار الدىندا بارلىق جولاۋشى ەڭ كەمى ءۇش كۇن بۇرىن پتر-تەست تاپسىرۋلارى شارت. قولدا تەستىڭ انىقتاماسى جوق ازاماتتار جولعا شىعا المايدى.
"پتر تەس تاپسىرۋشىلاردىڭ كەزەگى ازايدى. ءتورت جاڭا تالداۋ پۋنكتى اشىلدى. ونىڭ ەكەۋى سەمەيدە, ەكەۋى وسكەمەندە. ەستەرىڭىزگە سالا كەتەيىن, وبلىستا جالپى قۋاتتىلىعى تاۋلىگىنە 7 مىڭ زەرتتەۋ تاڭبالارىمەن جۇمىس ىستەي الاتىن 10 زەرتحانا قىزمەتىن ۇزدىكسىز اتقارىپ تۇر. بۇل جۇكتەمە وبلىس اۋماعىنا ارتىعىمەن جەتكىلىكتى دەپ ويلايمىن", - دەيدى وبلىستىڭ مەملەكەتتىك باس سانيتاريالىق دارىگەرىنىڭ مىندەتىن اتقارۋشى تالعات تۇڭعىشباەۆ.
