بيىلعى جىلدىڭ ەسەپتى كەزەڭىندە قالاداعى 48 ءبىلىم بەرۋ مەكەمەسىنە پروفيلاكتيكالىق باقىلاۋ جۇرگىزىلگەن. تەكسەرۋ ناتيجەلەرىنە سايكەس ورىن العان كەمشىلىكتەردى جويۋ ماقساتىندا مەكەمەلەرگە ۇيعارىم بەرىلىپ, زاڭ بۇزۋشىلىقتىڭ سەبەپتەرى انىقتالعان. الماتى قالاسى ءبىلىم ساپاسىن قامتاماسىز ەتۋ جونىندەگى دەپارتامەنت باسشىسى گۇلنار ەرمەكباەۆا ساپانى باقىلاۋ ماقساتىندا جۇرگىزىلگەن مونيتورينگتىڭ ناتيجەسىن جاريا ەتتى. گۇلنار ەرمەكباەۆا اتاپ وتكەندەي, "بەينەباقىلاۋ" مونيتورينگىنىڭ قورىتىندىسىنا سايكەس, 205 ورتا ءبىلىم بەرۋ مەكەمەسىنە بەينەباقىلاۋ جۇيەسىن ورناتۋ تۋرالى شەشىم قابىلداندى. وسىعان بايلانىستى الماتى قالاسىنىڭ ءبىلىم باسقارماسى 2021 جىلى ورتا ءبىلىم بەرۋ ۇيىمدارىندا بەينەباقىلاۋ جۇيەلەرىن جاڭارتۋدى جوسپارلاپ وتىر. ال وسى ەسەپتى مەرزىم ىشىندە دەپارتامەنتكە كەلىپ تۇسكەن 66 ءوتىنىش قارالىپ, حات تۇرىندە تۇسىنىكتەمەلەر بەرىلگەن.
گۇلنار ەرمەكباەۆانىڭ ايتۋىنشا, بالالاردىڭ قۇقىقتارىن قورعاۋ ماسەلەسى – مەملەكەتتىك ساياساتتىڭ نەگىزگى باعىتتارىنىڭ ءبىرى. دەپارتامەنت بالالار قۇقىعىن قورعاۋ, بالالاردىڭ قاراۋسىز, باقىلاۋسىز قالماۋىن قامتاماسىز ەتۋ, الەۋمەتتىك جەتىمدىكتىڭ الدىن الۋ بويىنشا مەملەكەتتىك ورگاندارمەن, ۇكىمەتتىك ەمەس جانە باسقا ۇيىمدارمەن ءوزارا بايلانىس جاساپ كەلەدى. اعىمداعى جىلى ءبىلىم تۋرالى قۇجاتتار بويىنشا 2979 مەملەكەتتىك قىزمەت كورسەتىلىپ, ونىڭ 89-ى ەلەكتروندىق ۇكىمەت پورتالى ارقىلى بەرىلگەن. "ە-ليتسەنزيالاۋ" پورتالىنا كەلىپ تۇسكەن 107 ءوتىنىشتىڭ 101-ىنە مەملەكەتتىك قىزمەت كورسەتىلسە, 6-ۋىنا جاۋاپ قاراستىرىلۋدا.
الداعى ۋاقىتتا كامەلەتكە تولماعان بالالارعا قاتىستى اقپاراتتاردىڭ پىسىقتالاتىندىعىن جەتكىزگەن دەپارتامەنت باسشىسى "بالا قورعاۋ" چاتىندا, الەۋمەتتىك جەلىلەردە ازاماتتاردىڭ بالالاردىڭ قۇقىقتارىن قورعاۋ ماسەلەلەرى جونىندەگى وتىنىشتەرى بويىنشا تۇسىنىكتەمەلەر بەرىلەتىندىگىن اتاپ ءوتتى.
