بۇدان بولەك, وبلىس ورتالىعىندا قازاق حاندارى مەن بيلەرى جانە "تۇركى الەمى" ورتالىقتارى, تۇركىستان وبلىستىق امبەباپ-عىلىمي كىتاپحاناسىنىڭ قۇرىلىس جۇمىستارى جۇرگىزىلۋدە. سونداي-اق وڭىردە مادەني ءىس-شارالار بۇگىنگى تالاپقا ساي وتكىزىلىپ كەلەدى. وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق مادەنيەت باسقارماسىنىڭ باسشىسى ءازىمحان قويلىباەۆ سوڭعى 9 ايدا وڭىردەگى 24 مۋزەيدە 2000-نان اسا ونلاين ءىس-شارا ۇيىمداستىرىلىپ, 3369 دانا جاڭا ەكسپونات جيناقتالعانىن اتاپ ءوتتى. ناتيجەسىندە وبلىستاعى مۋزەيلەردىڭ جالپى قورى 173 986 داناعا جەتىپ وتىر. سونداي-اق بيىل ۇلى كومپوزيتور ءشامشى قالداياقوۆتىڭ 90 جىلدىعىنا وراي, وتىرار اۋدانىندا كومپوزيتوردىڭ ءوزى تۇرعان ۇيىنەن "ش.قالداياقوۆ" مۋزەيى اشىلدى. باسقارما باسشىسىنىڭ مالىمدەۋىنشە, كەلەسى جىلى تۇركىستاندا حالىقارالىق تەاتر فەستيۆالىن وتكىزۋ جوسپارلانىپ وتىر.
جالپى, بۇگىنگى تاڭدا وبلىستا 678 مادەنيەت جانە ونەر مەكەمەسى جۇمىس ىستەيدى. جىل باسىنان بەرى كوروناۆيرۋس ىندەتىنە بايلانىستى شەكتەۋ شارالارىنىڭ تالاپتارى ساقتالا وتىرىپ, وبلىستىق مادەنيەت باسقارماسىنىڭ ۇيىتقى بولۋىمەن كلۋبتار مەن كىتاپحانالاردا, مۋزەيلەردە 9 مىڭنان استام ءىس-شارا وتكىزىلگەن.
