رەسەيدىڭ كەمەروۆو وبلىسى پارلامەنتىنىڭ دەپۋتاتتارى مەملەكەتتىك دۋماعا رەسەيلىك بالالاردى شەتەل ازاماتتارىنىڭ اسىراپ الۋلارىنا تيىم سالۋ جونىندە زاڭ جوباسىن ۇسىندى. بۇل تۋرالى يتار-تاسس حابارلادى.
2013 جىلعى 1 قاڭتاردا رەسەيدە ەل بالالارىن اقش ازاماتتارىنىڭ اسىراپ الۋلارىنا تيىم سالۋ جونىندەگى زاڭ كۇشىنە ەنگەن بولاتىن. ال 2013 جىلعى شىلدە ايىندا رف پرەزيدەنتى نەكەدە تۇرعان ءبىر جىنىستى ازاماتتاردىڭ ەلدەن بالا اسىراپ الۋلارىنا تيىم سالاتىن زاڭعا قول قويدى.
كەمەروۆو دەپۋتاتتارى ۇسىنىپ وتىرعان زاڭ جوباسى رەسەيدەگى جەتىم بالالاردىڭ شەتەل ازاماتتارى مەن ازاماتتىعى جوق ادامداردىڭ اسىراۋىنا بەرىلمەۋىن قاراستىرادى. رەسەي بالالارى شەتەل ازاماتتارىنىڭ اسىراپ الۋلارىنا تەك ولاردىڭ اراسىندا تۋىستىق قاتىناس بولعان جاعدايدا عانا بەرىلەدى. بۇل زاڭ كەمەروۆو وبلىسى پارلامەنتىنىڭ سەسسياسىندا قابىلداندى. الايدا, وبلىستىق پروكۋراتۋرا زاڭدى فەدەرالدى زاڭناماعا قاراما-قايشى دەپ تاۋىپ, وعان قارسىلىق بىلدىرگەن بولاتىن.
ايدار ورىسباەۆ.
دەرەككوز: Itar-tass.com
