تاراتىپ ايتار بولساق, 2019 جىلدىڭ ناۋرىز ايىندا ەنگىزىلگەن بولاتىن. 2020 جىلعى شىلدەدە ماكۋلاتۋرا جيناۋشىلاردىڭ شاعىمدارىنا بايلانىستى رەگەنەراتسيالانۋعا ءتيىس قاعازدى, كارتون, ماكۋلاتۋرا مەن قالدىقتاردى قازاقستاننان تىس جەرلەرگە اكەتۋگە ءۇش ايعا تىيىم سالىنعان. وسى ارالىقتا جينالعان ماكۋلاتۋرا كولەمى ونى قايتا وڭدەۋشىلەردىڭ مۇمكىندىكتەرىنەن اسىپ ءتۇستى دە, قايتا وڭدەۋشىلەر مەن جيناۋشىلاردىڭ قويمالارىندا ارتىق ماكۋلاتۋرا ءۇيىلىپ قالدى.
"قازاقستان وراۋشىلار قاۋىمداستىعى" زتب باسقارما توراعاسى باتىربەك اۋباكىروۆ بيزنەسكە وكىلەتتى ورگاننىڭ ناقتى ۇستانىمى قاجەت ەكەنىن ايتىپ وتىر. قازىر ەكى تاراپقا دا ءتيىمدى شەشىم قابىلداۋ ماڭىزدى, ويتكەنى ينۆەستورلار ەڭ الدىمەن ەرەجەلەردىڭ تۇراقتىلىعى مەن نارىقتىڭ تارتىمدىلىعىنا نازار اۋدارادى.
ەنگىزىلگەن تىيىمدى بىرەسە الىپ تاستاپ, سوسىن قايتا ەنگىزىپ, ارتىنشا شەكارا شيكىزاتتى رەسپۋبليكا اۋماعىنان شىعارۋ ءۇشىن تولىقتاي اشىلىپ جاتاتىن بولسا, بۇل ءجايت ينۆەستيتسيالىق كليماتقا تەرىس اسەر ەتەتىن بولادى.
–شەشىم ويلاستىرىلىپ, تۇپكىلىكتى قابىلدانۋى شارت. وڭتايلى شەشىمدەردىڭ ءبىرى- كۆوتالاۋ مەحانيزمى بولۋى مۇمكىن, بۇل مەحانيزم ارتىق شيكىزاتتىڭ شىعارىلۋ كولەمىن رەتتەۋگە مۇمكىندىك بەرەدى, دەيدى باتىربەك اۋباكىروۆ.
ەندى نارىقتىڭ وسى سەگمەنتىنىڭ وكىلدەرى يندۋستريا جانە ينفراقۇرىلىمدىق دامۋ مينيسترلىگى, ساۋدا جانە ينتەگراتسيا مينيسترلىگى, "اتامەكەن" ۇكپ جانە سالالىق قاۋىمداستىقتار وكىلدەرىنەن ۆيتسە-پرەمەر ر.ۆ. سكلياردىڭ توراعالىعىمەن جۇمىس توبىن قۇرۋدى جانە نارىققا قاتىسۋشىلارمەن بىرگە كۆوتالاۋ مەحانيزمىن دايىنداپ شىعۋدى ۇسىنىپ وتىر.
قازاقستاننىڭ وراۋشىلار قاۋىمداستىعىنىڭ بولجامى بويىنشا, وراما ونىمدەرى ءوندىرىسىنىڭ ءوسىمى 2020 جىلى 20% اسپاق (80 ملرد تەڭگەگە دەيىن).
قايتا وڭدەۋشى كاسىپورىندار وندىرىستىك قۋاتتىلىقتارىن كەڭەيتۋدە, وسى جىلدىڭ 4-توقسانىندا جانە 2021 جىلدىڭ ءبىرىنشى توقسانىندا ءتورت جاڭا جەلىنى ىسكە قوسپاق.
– مىسالى, رەگەنەراتسيالانۋعا جاتاتىن قاعازدى, كارتوندى, ماكۋلاتۋرانى قايتا وڭدەۋدى "Kagazy Recycling" جشس ايىنا 380 تونناعا دەيىن ارتتىرماق, "بۋمپروم" جشس ايىنا 1,2 مىڭ تونناعا دەيىن, "ينتەر مۋلتي سەرۆيس" جشس ايىنا 3 مىڭ تونناعا دەيىن ۇلعايتۋدى جوسپارلاپ وتىر.ال "Goldman Astana" جشس جانە "ECO Pack Astana" جشس بۇل كورسەتكىشتى ايىنا 668 تونناعا دەيىن جەتكىزبەك. كاسىپورىنداردىڭ باعالاۋىنا قاراعاندا, قۋاتتىلىقتاردى كوبەيتۋ ماكۋلاتۋراعا دەگەن سۇرانىستى ايىنا قوسىمشا 6 مىڭ تونناعا دەيىن ارتتىرماق, دەيدى ب. اۋباكىروۆ.
سونداي-اق, ماكۋلاتۋرانى قايتا وڭدەۋ ءوندىرىسى ارتسا, نارىقتا شيكىزاتتى جيناۋشى جاڭا ۇيىمدار پايدا بولادى.
الدىن الا دەرەكتەرگە قاراعاندا, 2020 جىلعى قاڭتار-قىركۇيەكتە قاعاز جانە قاعاز ونىمدەرى ءوندىرىسىنىڭ كولەمى 2019 جىلعى قاڭتار-قىركۇيەكپەن سالىستىرعاندا 15,1% ۇلعايىپ, بيىلعى جىلى 59,9 ملرد تەڭگەگە جەتكەن.
بيىلعى جىلى ء تىپتى پاندەميا جاعدايىندا دا, قاعاز جانە قاعاز ونىمدەرىن ءوندىرۋشى سالانىڭ ونىمدەرىنە سۇرانىستىڭ بولۋىنا بايلانىستى زات تۇرىندەگى كورسەتكىشتىڭ ارتقاندىعى بايقالادى. مىسالى, ءوندىرىسى ارتقان سالالار:
- گوفرلەنگەن قاعازدان نەمەسە كارتوننان جاسالعان قوراپتار, جاشىكتەر مەن سومكەلەر-19,2 %;
- دارەتحانا قاعازى-16,7%;
- قاعاز ماسساسىنان قولعا ارنالعان سۇلگى, قاعاز 6,6%.
ۇستىمىزدەگى جىلى قاعاز جانە قاعاز ونىمدەرىن وندىرۋگە ينۆەستيتسيا جۇمسالمادى,بۇرىندارى ينۆەستيتسيا قۇيىلعان جوبالار جۇزەگە اسىرىلدى. سول سەبەپتى 2020 جىلعى قاڭتار-قىركۇيەكتەگى ينۆەستيتسيالار كولەمى 2019 جىلعى قاڭتار-قىركۇيەكپەن سالىستىرعاندا 50,4% ازايعان.
قاعاز جانە قاعاز ونىمدەرى ەكسپورتىنىڭ كولەمى 2020 جىلعى قاڭتار-تامىزدا 29,4 ملن اقش دوللارىن قۇرادى نەمەسە 2019 جىلعى قاڭتار-تامىز ايلارىمەن سالىستىرعاندا 3,4% ءوستى.
قاعاز جانە قاعاز ونىمدەرىن ءوندىرۋ بويىنشا 2020 جىلدىڭ 8 ايىنداعى سالىق اۋدارىمدارى وتكەن جىلدىڭ سايكەس كەزەڭىمەن سالىستىرعاندا 6,9% وسكەن.
انىقتاما ءۇشىن:
- قازاقستان وراۋشىلار قاۋىمداستىعىنا كىرەتىن كاسىپورىندار تىيىم سالىنعان كەزەڭدە 130-دان استام جۇمىس ورنىن قۇردى (بۇل كاسىپورىندارداعى قىزمەتكەرلەردىڭ جالپى سانى 1406 ادامدى قۇرايدى);
- "بۋمپروم" جشس وزبەكستانعا 1,6 ملن اقش دوللارى سوماسىنا گوفراتارانىڭ تۇراقتى ەكسپورتىن جولعا قويدى ;
- "بۋمپروم" جانە" ينتەرمۋلتيسەرۆيس " كاسىپورىندارى 2020 جىلى قاعاز شىعاراتىن ماشينالاردى (بدم) پايدالانۋعا ەنگىزىپ وتىر);
- "Kagazy Recycling" جشس جۇمىرتقا لوتوكتارىن وندىرەتىن جەلىنى ىسكە قوسۋدى جوسپارلاپ وتىر. ينۆەستيتسيا كولەمى 200 ملن تەڭگە. ءوندىرىستىڭ قۋاتتىلىعى ايىنا 4 ملن دانا.
- قازاقستاندا جىلىنا شامامەن 200 مىڭ توننا ماكۋلاتۋرا قايتا وڭدەلەدى. بۇل سالادا تولىق تسيكلدى 10 كاسىپورىن جۇمىس ىستەيدى.
