قوعام • 03 قاراشا، 2020

يۋري يلين: ەلىمىزدە 10 مىڭنان استام ۇيدە ءورت قاۋىپسىزدىگى قاعيداسى ورىندالماعان

17 رەت كورسەتىلدى

توتەنشە جاعدايلار ءمينيسترى يۋري يلين جىلۋ بەرۋ ماۋسىمىنداعى ءورت قاۋىپسىزدىگى بويىنشا تەكسەرۋ ناتيجەسىن جاريالادى، دەپ حابارلايدى Egemen.kz

"ەلدەگى ورىن الاتىن توتەنشە جاعدايلاردىڭ 92 پايىزىن ورتتەر قۇرايدى. جىلۋ بەرۋ كەزەڭىندە جاعداي ۋشىعىپ كەتەدى. پاندەميانى ەسكەرە وتىرىپ، بيىل جىلۋ بەرۋ ماۋسىمى ادەتتەگىدەن ەرتە باستالدى. قىركۇيەكتەن باستاپ تۇرعىن ءۇي سەكتورىندا 1 300-دەن استام ءورت وقيعاسى ورىن الدى"، دەدى مينيستر ۇكىمەت وتىرىسىندا.

ونىڭ سوزىنە قاراعاندا، ءورت جاعدايى فاكتىلەرىنىڭ ءوسۋى شىمكەنت قالاسىندا 8 ەسە، الماتى – 60%، ال قىرىقتان جيىرما پايىزعا دەيىن تومەندەۋ اقمولا، جامبىل، سولتۇستىك قازاقستان جانە قوستاناي وبلىستارىندا بايقالدى.

ء"ورتتىڭ ءوسۋ سەبەپتەرى ءورت قاۋىپسىزدىگى تالاپتارىن ورىنداماۋ سالدارىنان، اتاپ ايتقاندا تۇرمىستىق قۇرىلعىلار مەن پەشتەردى پايدالانۋ كەزىندە ورىن الىپ وتىر"، دەدى يۋ. يلين.

"بىلتىرعى جىلعى تاجىريبەنىڭ نەگىزىندە تۇرعىن ءۇي سەكتورىندا جوسپارلى تۇردە جۇمىستار جۇرگىزىلۋدە. جىلۋ بەرۋ ماۋسىمى باستالعانعا دەيىن 15 تامىزدان باستاپ ءتيىستى شارالار اتقارىلدى. وسى ورايدا حالىق اراسىنداعى الەۋمەتتىك وسال توپتارداعى 118 مىڭنان استام تۇرعىن ءۇيى ەسەپكە الىندى. وڭىرلىك اكىمدىكتەرمەن، ىشكى ىستەر ورگاندارىنىڭ، الەۋمەتتىك قامتۋ، ءبىلىم بەرۋ جانە دەنساۋلىق ساقتاۋ وكىلدەرىمەن بىرلەسىپ 87 مىڭنان استام ۇيگە نەمەسە 74 پايىزىنا ارالاپ تەكسەرۋلەر جۇرگىزىلدى. ونىڭ ىشىندە 9 پايىزعا جۋىعى (10 مىڭنان استام ءۇي) ءورت قاۋىپسىزدىگى قاعيدالارىن بۇزا وتىرىپ پايدالانىلۋدا، ولار جەرگىلىكتى اتقارۋشى ورگاندار باقىلاۋىنا الىندى"، دەدى مينيستر.

سوڭعى جاڭالىقتار

بەلگرادتا بەلدەسەدى

سپورت • بۇگىن، 09:06

جاپونيادا سىنعا تۇسەدى

سپورت • بۇگىن، 09:03

ەڭ باستىسى – ازاماتتاردىڭ سەنىمى

قازاقستان • بۇگىن، 08:43

Smart Zholy جەڭىمپازدارى انىقتالدى

قازاقستان • بۇگىن، 08:36

قۇندى قاعازعا قىزىعاتىندار كوپ

ەكونوميكا • بۇگىن، 08:32

اسىل اعانىڭ شاراپاتى

رۋحانيات • بۇگىن، 00:08

قۇيماقۇلاق

رۋحانيات • كەشە

گاز باعاسى نەگە قىمبات؟

ايماقتار • كەشە

ۇقساس جاڭالىقتار