ءىس-شاراعا وڭىردەگى "شاڭىراق" قوعامدىق بىرلەستىگى مەن "قايىرىمدى جاندار" توبىنىڭ ۆولونتەرلەرى ءۇن قوسىپ, پروباتسيا قىزمەتكەرلەرىمەن سوتتالعان ازاماتتاردىڭ الەۋمەتتىك بەيىمدەلۋىنە كومەك كورسەتۋ جولدارىن تالقىلادى. ال, ۆولونتەرلەرمەن كەزدەسۋ كەزىندە باس بوستاندىعىنان ايرىلىپ, شارتتى جازاعا اۋىستىرىلعان ازاماتتار ءوز باستارىنان ءوتىپ جاتقان قيىندىقتارمەن ءبولىستى. سونىڭ ىشىندە قوعامعا قايتا بەيىمدەلۋ كەزىندە الدارىنان شىعاتىن مورالدىق-پسيحولوگيالىق, الەۋمەتتىك كەدەرگىلەر تۋرالى اشىق پىكىر ءبىلدىردى.
كەزدەسۋدەن سوڭ "شاڭىراق" قوعامدىق بىرلەستىگى مەن "قايىرىمدى جاندار" ۆولونتەرلىك توبى الماتى اۋدانىنىڭ پروباتسيا قىزمەتىندە ەسەپتە تۇرعان مۇقتاج وتباسىلارعا كيىم-كەشەك تاراتتى.
اتالعان ءىس-شارا 2020-2025 جىلدارعا ارنالعان قوعامدىق قۇقىق بۇزۋشىلىقتاردىڭ الدىن-الۋ جونىندەگى ۆەدومستۆوارالىق ءىس-شارالار جوسپارىنىڭ 12-تارماعىنا سايكەس وتكىزىلدى. ءىس-شارا الماتى اۋداندىق پروباتسيا قىزمەتىنىڭ "شاڭىراق" جانە "قايىرىمدى جاندار" قوعامدىق بىرلەستىكتەرىمەن جاساسقان مەموراندۋمى اياسىندا ۇيىمداستىرىلدى.
"سوتتالعان ازاماتتار مەن ۆولونتەرلەر كەزدەسۋىن ۇيىمداستىرۋدىڭ نەگىزگى ماقساتى – پروباتسيا قىزمەتىنىڭ ەسەبىندە تۇرعان ازاماتتارعا قولداۋ كورسەتۋ, قوعامنىڭ قولداۋىنا مۇقتاج جانداردىڭ ومىردە ءوز جولدارىن تابۋىنا كومەكتەسۋ, ورتاعا بەيىمدەلىپ كەتكەنشە قايتا قىلمىس جاساۋىنا جول بەرمەۋ. وسى رەتتە پروباتسيا قىزمەتكەرلەرى سوتتالعان ازاماتتارىمىزدىڭ تۇزەلۋى جولىندا ء اردايىم كومەك كورسەتۋگە دايىن", دەيدى اقتوبە قالاسى الماتى اۋداندىق پروباتسيا قىزمەتىنىڭ ينسپەكتورى, ادىلەت اعا لەيتەنانتى دوسجان تۋرين.
