كوشپەلى مەديتسينالىق كەشەندەر كومەككە دايىن

ءموبيلدى كەشەن زاماناۋي رەنتگەن جانە فليۋروگرافيا ءبولىمى, ەكگ-12 اپپا­راتى, گينەكولوگيالىق تەكسەرۋگە ارنال­­عان كرەسلو, قان ساقتاۋعا ارنالعان توڭازىت­­قىش سياقتى جابدىقتارمەن قامتىل­­عان. سونداي-اق شۇعىل مەديتسينا­لىق كومەك كورسەتىلەتىن جىلجىمالى كە­شەندە شۇعىل بوساندىرىپ الۋ مۇم­كىن­دىگى قاراس­تى­رىل­عان. مۇندا مۇگە­دەك ازاماتتار ءۇشىن اۆتو­ماتتى تۇردە كوتەرى­لەتىن پاندۋس ورن­اتىل­عان. دەنساۋلىق ساقتاۋ باسقارما­سى­نى­ڭ باسشىلىعى الداعى ۋاقىتتا مۇن­داي كولىك­ت­ەردىڭ سانىن ارتتىرۋ قاجەت بولعان جاع­دايدا مينيسترلىككە ۇسىنىس ازىرلەمەكشى.

«سك فارماتسيا» كومپانياسىنا قا­راستى ءدارى-دارمەك ساقتاۋ لوگيستيكا­لىق قويماسىندا 3 ملرد تەڭگەگە جۋىق قار­جىعا الىنعان پرە­پارات­تار قاجەتتى تەمپەراتۋرادا ساق­تال­عان. اقتوبە وبلى­سى بويىنشا «سك فارماتسيانىڭ» وكىلى نۇرلان جۇ­بانىشوۆ Covid-19 ىندەتىمەن كۇرەسۋگە ارنالعان ءدارى-دار­مەك قورىنىڭ جەتكى­لىكتى ەكەنىن ايتتى. قويما اقتوبە وب­لىسى­نان وزگە باتىس ءوڭىرىن دارىلىك پرە­پا­راتتارمەن قام­تاماسىز ەتە الادى.

بيىلعى تامىزدا اقتوبە وبلىستىق جۇقپالى كلينيكالىق اۋرۋحاناسىندا, 130 ورىنعا ارنالعان پروۆيزورلىق ورتالىقتا كۇردەلى جوندەۋ جۇرگىزىلىپ, ىندەتتىڭ ءورشۋ قاۋپى تۋىنداپ, ناۋقاستار سانى ارتقان جاعدايعا ازىرلەنگەن. قازىر ىندەتكە شالدىققاندارعا ەڭ العاشقى كومەك كورسەتىلەتىن وسى ورتالىق ماس­كا, ءدارى-دارمەك, زالالسىزداندىرعىش قۇ­رال­دارمەن تولىق جابدىقتالعان.

اقتوبە وبلىسى