وقيعا جۇماباەۆ كوشەسىندەگى اۋلانىڭ بىرىندە بولىپ, پوليتسياعا Lexus ماركالى جول تالعامايتىن كولىكتىڭ ءبۇيىر جاق تەرەزەسى سىنىپ, سالوننان 200 مىڭ تەڭگەدەن استام اقشا, بانك كارتالارى, قۇجاتتار سالىنعان قول سومكە قولدى بولعانى تۋرالى حابار تۇسكەن. قالالىق پوليتسيا باسقارماسىنىڭ كريمينالدىق پوليتسيا ءبولىمى قىزمەتكەرلەرى پاتەر بويى تەكسەرىپ, كورگەن-بىلگەن كۋاگەرلەردى ىزدەستىردى. اۋلاداعى كولىك قوياتىن ورىن كامەرانىڭ شولۋ ايماعىنا ىلىكپەيدى, سوندىقتان وقيعا بولعان اۋدانعا جاقىن جەردەگى كامەرالارداعى بەينەجازبا زەردەلەندى. وسى اۋدانداعى اۋلالاردىڭ بىرىنەن ەر ادامدار شىققانى, بىرەۋىنىڭ قولىندا ۇقساس بارسەتكا بولعانى انىقتالدى.
جەدەل-ىزدەستىرۋ ءىس-شاراسىن وتكىزۋ ناتيجەسىندە, كەلەسى كۇنى اۆتوكولىكتەردى توناپ جۇرگەن كۇدىكتى انىقتالىپ, ۇستالدى. ول جۇمىسقا ورنالاسۋ ءۇشىن جۋىردا پەتروپاۆلعا كەلگەن تاراز قالاسىنىڭ بۇرىن سوتتالعان 33 جاستاعى تۇرعىنى بولىپ شىقتى. ءتىنتۋ كەزىندە ۇرلانعان بارسەتكا, قۇجاتتار مەن اقشانىڭ ءبىر بولىگى الىندى.
اۆتوكولىكتەن ۇرلاۋ فاكتىسى قك 188-بابى «ۇرلىق» بويىنشا سوتقا دەيىنگى تەرگەپ-تەكسەرۋ جۇرگىزىلۋدە. كۇدىكتى پەتروپاۆل قالاسىنىڭ پب ۋاقىتشا قاماۋدا ۇستاۋ يزولياتورىنا قامالدى. ونىڭ وسىعان ۇقساس قىلمىستارعا قاتىسى بارى تەكسەرىلۋدە.
پەتروپاۆل
