ءىس-شارانىڭ ماقساتى – اكەلىك ينستيتۋتتى دامىتۋ, وتباسىلىق قۇندىلىقتاردى نىعايتۋ, گەندەرلىك تەڭدىك جانە جاس ۇرپاققا ءبىلىم بەرۋ ماسەلەلەرى بويىنشا مۇددەلى تاراپتار ءۇشىن ديالوگ الاڭىن قۇرۋ.
فورۋمدى اشقان قازاقستان رەسپۋبليكاسى پارلامەنتى سەناتىنىڭ دەپۋتاتى, قازاقستان رەسپۋبليكاسى پرەزيدەنتىنىڭ جانىنداعى ايەلدەر جانە وتباسىلىق-دەموگرافيالىق ساياسات جونىندەگى ۇلتتىق كوميسسيا توراعاسىنىڭ ورىنباسارى ءلاززات سۇلەيمەن پرەزيدەنت قاسىم-جومارت توقاەۆ 2020 جىلعى 1 قىركۇيەكتەگى قازاقستان حالقىنا جولداۋىندا ەلدەگى وتباسىلىق-دەموگرافيالىق جاعدايدى جاقسارتۋىنا, وتباسى ينستيتۋتىنا ەرەكشە نازار اۋدارعانىن, بۇل بالاعا وتباسىندا دۇرىس تاربيە مەن لايىقتى ءبىلىم بەرۋدى, وتباسىنىڭ, قوعامنىڭ جانە ەلدىڭ يگىلىگى ءۇشىن ادال ءومىر سۇرۋگە جانە جۇمىس ىستەۋگە ۇيرەتۋدى قالاي قامتاماسىز ەتۋ تۋرالى تاعى ءبىر رەت ويلاۋعا نەگىز ەكەنىن اتاپ ءوتتى.
– بيىلعى قيىندىقتارعا قاراماستان, ءبىزدىڭ باستى ماقساتىمىز ەل ەكونوميكاسىن نىعايتۋ, ازاماتتارىمىزدىڭ ءال-اۋقاتىن جاقسارتۋ جانە جاس ۇرپاقتى تاربيەلەۋ بولىپ قالا بەرەدى. ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا قوعامدا جانە وتباسىندا اكەلىك ينستيتۋتتىڭ ءرولىن ارتتىرۋ جاس ۇرپاقتى تاربيەلەۋدەگى ماڭىزدى مىندەتتەردىڭ ءبىرى رەتىندە قاراستىرادى, – دەدى ءلاززات سۇلەيمەن.
فورۋمدى «اكەلەر وداعى» رقب توراعاسى ماقسۇتبەك ايتماعانبەت جۇرگىزدى. فورۋمدا «اكەلەر وداعى» رقب جانە ء«بىلىم-يننوۆاتسيا» حقق 12-16 قازان ارالىعىندا «اكە جولى – ىزگى جول» اتتى «اكەلەر اپتالىعى» ونلاين رەجىمىندە ءوتتى, سونداي-اق Instagram جانە ZOOM پلاتفورماسى ارقىلى, وتكىزۋ تاجىريبەسىمەن ءبولىستى. بۇل ءىس-شارا قازاقستاندا ء«بىلىم-يننوۆاتسيا» حقق جانە «دارىن» رعپو, اكەلەر وداعى رقب-نىڭ تىكەلەي قولداۋىمەن العاش رەت ۇيىمداستىرىلدى.
اپتا ىشىندە رەسپۋبليكانىڭ 70-تەن استام مەكتەپ پەن 2,5 مىڭنان استام بەلسەندى اكە بايقاۋلار مەن تۋرنيرلەرگە قاتىستى. ءوزارا ءىس-قيمىل جاسالىندى, اكەلەردىڭ بالا تاربيەسىندەگى بەدەلىن ارتتىرۋعا, وتباسىلىق قۇندىلىقتاردى دامىتىپ نىعايتۋعا سەرپىن بەرەتىن تاقىرىپتاردى تالقىلادى. بۇل ءىس-شاراعا 600-دەن استام اكە-قاتىسۋشى ونلاين رەجىمىندە قاتىستى.
فورۋمدا وتباسىلىق تاربيەنىڭ وزەكتى ماسەلەلەرى بويىنشا اتا-انالار قاۋىمداستىعى, وتباسىلاردىڭ, بالالاردىڭ مۇددەلەرىن قورعاۋعا قاتىساتىن ۇكىمەتتىك ەمەس ۇيىمدار مەن مەملەكەتتىك ورگانداردىڭ اراسىندا سىندارلى ديالوگ ءوتتى. وسى باعىتتاعى جۇمىستى جاقسارتۋ بويىنشا ناقتى ۇسىنىستار تالقىلاندى.
