باس مەملەكەتتىك سانيتارلىق دارىگەردىڭ قاۋلىسىنا سايكەس ولاردىڭ بارلىعى ءتيىستى زەرتحانالىق زەرتتەۋلەر جۇرگىزۋ ءۇشىن كارانتين ستاتسيونارىنا جەتكىزىلۋى كەرەك.
الايدا, اۋەجايدا قازاقستان رەسپۋبليكاسىنىڭ ەكى ازاماتى مامانداردىڭ ولاردى كارانتين ستاتسيونارىنا جەتكىزۋ ارەكەتتەرىنە قارسىلىق ءبىلدىرىپ, كوروناۆيرۋس ينفەكتسياسىنا پتر تەستىلەۋدەن وتۋدەن باس تارتتى.
"50 جاستاعى ەرلى-زايىپتى مينسكىدەن پتر سەرتيفيكاتسىز كەلدى. ولار تەست تاپسىرماۋعا ءتيىس دەپ سانايدى. مەملەكەتتىك سانيتارلىق دارىگەردىڭ قاۋلىسى بار, وندا شەتەلدەن قاجەتتى انىقتامالارسىز ۇشاتىن جولاۋشىلارعا قويىلاتىن تالاپتار ناقتى جازىلعان. پوليتسيا دەپارتامەنتى, تكسقبد وكىلدەرى وسى ەرەجەلەردى ءتۇسىندىردى, بىراق ولار تەستىلەۋدەن باس تارتتى. ەگەر ولار پتر سىناعىنان ءوتىپ, تەرىس ناتيجە الماسا, اۋرۋحانادان شىعارىلمايتىنىن ءتۇسىنۋى كەرەك", دەيدى №3 كوپسالالى قالالىق اۋرۋحانا ديرەكتورى جۇلدىز دانباەۆا.
كارانتين ستاتسيونارىندا لوبوراتورلىق زەرتتەۋدەن وتكەن جانە كۆي ءۇشىن تەرىس ناتيجە كورسەتكەن وسى رەيستىڭ بارلىق جولاۋشىلارى ۇيلەرىنە جىبەرىلدى.
سونىمەن بىرگە, تالداۋ ناتيجەلەرى بويىنشا مينسكىدەن ۇشىپ كەلە جاتقان ءبىر جولاۋشىدا كۆي انىقتالعانىن حابارلايمىز. ول قالالىق جۇقپالى اۋرۋلار اۋرۋحاناسىنا جەتكىزىلدى. وندا ول كوروناۆيرۋستىق ينفەكتسيانى ەمدەۋ حاتتاماسىنا سايكەس ەم الادى. جاقىن بايلانىستا بولعان ەكى ادام ءۇي جاعدايىنداعى كارانتينگە الىندى.
بارلىعى ءبىر تۇندە 3 حالىقارالىق رەيس كەلدى. ونىڭ ىشىندە 30 جولاۋشىنىڭ پتر سەرتيفيكاتى بولماعان.
