سالىستىرمالى تۇردە ايتساق, بىلتىر بۇل كورسەتكىش 87,23% بولسا, 2020 جىلدىڭ باسىندا 90,7%-دى قۇرادى. وتكەن جىلى مەملەكەتتىك قىزمەتتەردى ەلەكتروندى فورماتقا كوشىرۋدىڭ 2019 جىلعا ارنالعان جوسپارىنا سايكەس 10 قىزمەت, 2020 جىلدىڭ العاشقى جارتىسىندا 2 قىزمەت اۆتوماتتاندىرىلدى.
اتاپ وتەيىك, مەملەكەتتىك قىزمەتتەردى ەلەكتروندى فورماتقا كوشىرۋ پروتسەستىڭ تىڭعىلىقتى تەحنيكالىق دايىندىعىنىڭ ارقاسىندا جۇزەگە استى.
وسىلايشا, قازىر مينيسترلىكتە بارلىق مەملەكەتتىك قىزمەتتى ەلەكتروندى فورماتتا الۋعا بولادى.
ايتا كەتەيىك, مينيسترلىك قىزمەتتەردى اۆتوماتتاندىرىپ قانا قويماي, ولاردىڭ ءبارىن تەك ەلەكتروندى فورمادا ۇسىنۋعا ۇمتىلادى. ەگەر 2019 جىلى 28 قىزمەت ەلەكتروندى فورمادا عانا كورسەتىلسە, قازىر قىزمەتتەردىڭ 88%-ى (37 قىزمەت) ەلەكتروندى فورمادا, ياعني قاعاز تۇرىندەگى بالاماسىز ۇسىنىلادى.
ەندى مينيسترلىك مەملەكەتتىك قىزمەتتەردى دامىتۋ ءۇشىن بيزنەس-پروتسەسستەردى وڭتايلاندىرۋ جانە بيومەتريكالىق اۋتەنتيفيكاتسيا تەحنولوگياسىن ەنگىزۋدى قولعا الادى.
