ازىق-ت ۇلىك جانە تۇرمىستىق جيىنتىقتار ااك الۋشىلار قاتارىنداعى 1 جاستان 6 جاسقا دەيىنگى بالالارعا بەرىلەدى. اعىمداعى جىلعى 1 قازاننان باستاپ aleumet.egov.kz ارقىلى «پيلوتتىق» رەجيمدە ازىق-ت ۇلىك جيىنتىقتارىن ۇسىنۋ باستالدى. 2021 جىلدان باستاپ قىزمەتتى 250 مىڭنان استام قازاقستاندىق پايدالانا الادى دەپ جوسپارلانۋدا.
«پيلوتتىق» جوبا اياسىندا الەۋمەتتىك قورعاۋ ورگاندارىنىڭ قىزمەتكەرلەرى الەۋمەتتىك توپتاما الۋشىلارعا ەلەكتروندىق تسيفرلىق قولتاڭبانى رەسىمدەۋگە كومەكتەسەدى, پورتالمەن قالاي جۇمىس ىستەۋ كەرەكتىگىن تۇسىندىرەدى. ال الەۋمەتتىك توپتاما الۋشىلار العاشقى تاپسىرىستاردى الەۋمەتتىك قىزمەتتەر پورتالى ارقىلى جاسايدى.
«بۇل وتە ىڭعايلى, مەن ينتەرنەت ارقىلى الەۋمەتتىك توپتاما الۋدى راسىمدەدىم, جەتكىزۋشى كومپانيانىڭ ەڭ جاقىن دۇكەنىندە ءبارىن جينادى, ماعان تەك كەلىپ قوراپتى الىپ كەتۋ كەرەك بولدى. مۇنداي جيىنتىقتار وتە پايدالى, وندا بالاعا پايدالى ونىمدەر بار, ولاردى ساتىپ الۋ ءاردايىم مۇمكىن بولا بەرمەيدى», – دەدى پەتروپاۆل قالاسىنىڭ تۇرعىنى, الەۋمەتتىك توپتامانى الۋشى 7 بالانىڭ اناسى دانيا كەنجاەۆا.
الەۋمەتتىك قورعاۋ ورگاندارىنىڭ قىزمەتكەرلەرى قىزمەت الۋشىلارمەن عانا ەمەس, جەتكىزۋشىلەرمەن دە جۇمىس جۇرگىزەدى. پورتال ارقىلى ءوز تاۋارلارى مەن قىزمەتتەرىن ۇسىنعىسى كەلەتىن كومپانيالار وزدەرىنىڭ سەنىمدىلىگىن راستاۋعا جانە تاپسىرىستاردى مەرزىمىندە ورىنداۋعا ءتيىس. ال جەتكىزۋشىلەردىڭ وزدەرى ءۇشىن الەۋمەتتىك قىزمەت كورسەتۋگە قاتىسۋ – بۇل بەدەل ماسەلەسى.
ء«بىزدىڭ كومپانيا بۇل جوبانى الەۋمەتتىك جاۋاپكەرشىلىك اياسىندا جۇزەگە اسىرادى. الەۋمەتتىك توپتاما بويىنشا جيىنتىقتاردى قالىپتاستىرۋ ءۇشىن بارلىق ءونىم ساپانى تەكسەرۋدىڭ بىرنەشە كەزەڭىنەن وتەدى: شىعارۋ جانە بۋىپ-ءتۇيۋ كەزىندەگى باقىلاۋ, مەملەكەتتىك سەرتيفيكاتتاۋ, تاراتۋ ورتالىعىندا تاۋارلاردى قابىلداۋ كەزىندە ساپا جانە جارامدىلىق مەرزىمدەرى بويىنشا تەكسەرۋ, الۋشىلارعا بەرۋ كەزىندە ءونىم ساپاسى مەن جيىنتىقتاردىڭ جيناقتىلىعىن تەكسەرۋ. سونداي-اق ءبىز ونىمدەردى ءۇي جاعدايىندا ساقتاۋ بويىنشا جادىنامانى جاسادىق جانە تاراتامىز», – دەپ ناقتىلادى جەتكىزۋشى كومپانيانىڭ وكىلى ايگەرىم سلامبەكوۆا.
ەستەرىڭىزگە سالا كەتەيىك, ازىق-ت ۇلىك جانە تۇرمىستىق جيىنتىقتىڭ قۇرامى قر دەنساۋلىق ساقتاۋ مينيسترلىگىنىڭ ۇسىنىمدارى بويىنشا ازىرلەنگەن جانە جاس ساناتىنا بايلانىستى ەرەكشەلەنەدى: 1 جاستان 3 جاسقا دەيىن جانە 3 جاستان 6 جاسقا دەيىن. مۇنداي جيىنتىقتارعا 1 جاستان 3 جاسقا دەيىنگى بالالارعا گيپواللەرگەندى جەمىس پيۋرەسى مەن جارما, ءسۇت جانە باسقا دا ونىمدەر كىرەدى. 3 جاستان 6 جاسقا دەيىنگى بالالارعا ارنالعان جيىنتىققا قاتتى بيدايدان جاسالعان ماكارون, گەماتوگەن, قاراقۇمىق, ارپا جانە باسقا دا جارمالار, تابيعي بال كىرەدى. ازىق-ت ۇلىكتەن باسقا, جيىنتىقتاردا گيگيەنا قۇرالدارى – بالالار سۋسابىندارى, سابىن, بالالارعا ارنالعان كىر جۋعىش ۇنتاق جانە باسقالار بولادى.
