ۆيتسە-پرەمەر وڭىردەگى ەپيدەميولوگيالىق احۋال بويىنشا وبلىس باسشىلىعىمەن جەدەل كەڭەس وتكىزىپ, وبلىس اكىمى دانيال احمەتوۆتىڭ قابىلدانىپ جاتقان شارالار بويىنشا ەسەبىن تىڭدادى.
كەڭەس قورىتىندىسى بويىنشا ەرالى توعجانوۆ وبلىس اكىمدىگىنە ون كۇن مەرزىم ىشىندە وڭىردەگى ەپيدەميولوگيالىق احۋالدى تۇراقتاندىرۋ بويىنشا تۇبەگەيلى شارالاردى قابىلداۋدى, دەنساۋلىق ساقتاۋ مينيسترلىگىنە كونسۋلتاتيۆتىك - ادىستەمەلىك كومەك كورسەتۋ ءۇشىن جوعارى بىلىكتى مامانداردى وڭىرگە جىبەرۋدى تاپسىردى.
وبلىستاعى ەپيدەميولوگيالىق احۋالدى تۇراقتاندىرۋ ماقساتىندا ۆەدومستۆوارالىق كوميسسيانىڭ توراعاسى بىرقاتار شەكتەۋ شارالارىن ەنگىزۋدى تاپسىردى:
- اعىمداعى جىلدىڭ 2 قاراشاسىنان باستاپ وسكەمەن قالاسىنا كىرۋ جانە شىعۋ بويىنشا اۋە قوزعالىسىن ازايتۋ:
نۇر-سۇلتان قالاسىنا/نان - اپتاسىنا 17-دەن 7 رەيسكە دەيىن;
الماتى قالاسىنا/نان - اپتاسىنا 14-تەن 7 رەيسكە دەيىن;
شىمكەنت قالاسىنا/نان - اپتاسىنا 2-دەن 1 رەيسكە دەيىن.
- اعىمداعى جىلدىڭ 2 قاراشاسىنان باستاپ نۇر-سۇلتان -وسكەمەن مارشرۋتتارى بويىنشا تەمىرجول قاتىناسىن اپتاسىنا 3-تەن 1-گە دەيىن, الماتى-وسكەمەن مارشرۋتتارى بويىنشا اپتاسىنا 7-دەن 3-كە دەيىن قىسقارتۋ;
- جولاۋشىلاردىڭ شىعىس قازاقستان وبلىسىنان اۋە جانە تەمىر جول كولىگىمەن شىعۋى ءۇشىن COVID-19 تەرىس ناتيجەسى بار پتر تەستىلەۋىنەن وتكەندىگى تۋرالى انىقتامانىڭ مىندەتتى تۇردە بولۋى قامتاماسىز ەتىلۋىن (بەرىلگەن كۇنىنەن باستاپ 3 تاۋلىكتەن اسپايتىن);
- ترانزيتپەن وتەتىن تەمىر جول قۇرامدارىنىڭ وبلىس ىشىندە توقتاۋىنا تىيىم سالۋ;
- سانيتارلىق بەكەتتەردى ورناتا وتىرىپ, شىعىس قازاقستان وبلىسىنا كىرۋدى جانە شىعۋدى شەكتەۋ;
- وبلىستىڭ باسقا قالالارى/اۋداندارى اراسىندا حالىقتىڭ قوزعالىسىن ساقتاي وتىرىپ, وسكەمەن قالاسىنىڭ اۋماعىنا كىرۋگە جانە شىعۋعا تىيىم سالىنۋىن;
- دەمالىس جانە مەرەكە كۇندەرى شەكتەۋ شارالارىن كۇشەيتۋ;
- حالىق اراسىنداعى بايلانىستاردى ازايتۋ ماقساتىندا قوعامدىق كولىكتىڭ قاتىناۋ سانىن ۇلعايتۋ;
- قىزمەتكەرلەردىڭ كەمىندە 80% - ىن قاشىقتاعى جۇمىس فورماتىنا اۋىستىرۋدى قامتاماسىز ەتۋ;
- وفلاين فورماتتا جينالىستاردى وتكىزۋگە تىيىم سالۋ;
- كىرەبەرىستەردە, ليفتىلەردە, اۆتوتۇراقتاردا جانە بالالار وينايتىن الاڭداردا, ازىق-ت ۇلىك بازارلارىندا جانە ت. ب. جەرلەردە دەزينفەكتسيا جۇرگىزۋدى قامتاماسىز ەتۋ;
- ۆاحتالىق ادىسپەن جۇمىس ىستەيتىن جۇمىسكەرلەردى (ۆاحتاعا كىرۋ جانە شىعۋ كەزىندە) تولىق كولەمدە پتر تەكسەرىلۋىن قامتاماسىز ەتۋ;
- اۋەجايلارعا, تەمىرجول ۆوكزالدارىنا كۇتىپ الۋشىلار مەن شىعارىپ سالۋشىلاردىڭ كىرۋىنە تىيىم سالۋ (قولىندا بيلەتى بولعان جاعدايدا عانا وتكىزۋ);
- ادامدار كوپ جينالاتىن ورىندارعا ەرەكشە نازار اۋدارا وتىرىپ, مونيتورينگتىك توپتاردىڭ كارانتين رەجيمىن ساقتاۋ جونىندەگى جۇمىسىن كۇشەيتۋ;
- كارانتين رەجيمىن ساقتاۋ قاجەتتىلىگى تۋرالى حالىق اراسىندا اقپاراتتىق-ءتۇسىندىرۋ جۇمىستارىن كۇشەيتۋ جونىندە شارالاردى قابىلداۋدى تاپسىردى.
شىعىس قازاقستان وبلىسىنداعى ەپيدەميولوگيالىق احۋال قازاقستان رسەۋبليكاسى ۇكىمەتىنىڭ تۇراقتى باقىلاۋىندا.
