قازاقستاندا كومپلاەنس-قىزمەتتەردى دامىتۋ جانە ناسيحاتتاۋ جونىندەگى حالىقارالىق ونلاين-فورۋمعا قاتىسقان "قازسۋشار" رمك باس ديرەكتورىنىڭ سوزىنشە, قازىر جەمقورلىققا قارسى شارالار سالاسى كەڭەيىپ, جاڭا تاسىلدەردى تالاپ ەتۋدە. ەسكە سالايىق, اعىمداعى جىلدىڭ قازان ايىندا مەملەكەت باسشىسى قاسىم-جومارت توقاەۆ جەمقورلىققا قارسى زاڭناماعا تۇزەتۋلەر ەنگىزگەن. وزگەرىس بويىنشا, كۆازيمەملەكەتتىك سەكتوردا كومپلاەنس-قىزمەتتەر قۇرىلۋى ءتيىس.
"مەملەكەت باسشىسى كومپلاەنس-قىزمەتتەردى قۇرۋعا تاپسىرما بەردى. ونىڭ فۋنكتسياسىنا قىزمەت بارىسىنىڭ جەمقورلىققا قارسى زاڭناماعا سايكەستىگىن عانا ەمەس, جەمقورلىققا قارسى ستراتەگيانى دا, ءىس-شارالار جوسپارىنىڭ سايكەستىگىن دە جان-جاقتى باقىلاۋ كىرەدى. ءبىر سوزبەن ايتقاندا, ءتيىمدى كومپلاەنس باقىلاۋ كاسىپورىن قىزمەتىنىڭ اشىقتىعىن جانە وعان دەگەن سەنىمدى قاتىناستى قامتاماسىز ەتە الادى. بىزدە سونىمەن بىرگە قازان ايىندا نۇر-سۇلتان قالاسىنىڭ جەمقورلىققا قارسى قىزمەتىمەن كەزدەسۋ ءوتىپ, ورتالىق اپپارات پەن وندىرىستىك فيليالداردىڭ قىزمەتكەرلەرى جەمقورلىقپەن كۇرەستىڭ جاڭا ادىستەرى تۋرالى اقپارات العان", - دەدى ارمان قاسەنوۆ.
ونىڭ سوزىنشە, ىشكى باقىلاۋ قىزمەتىنە كومپلاەنس-فۋنكتسيالارىنىڭ بەرىلۋى كورپوراتيۆتىك ادەپتىڭ اجىراماس بولىگىنە اينالادى.
"ازاماتتار بىزگە تىكەلەي جۇگىنە الۋى ءۇشىن سەنىم تەلەفونىن ىسكە قوستىق, ول اپتاسىنا 7 كۇن تاۋلىك بويى جۇمىس ىستەيدى. وعان ءبىزدىڭ قىزمەتىمىزگە قاتىستى كەز كەلگەن سۇراقپەن, سونىمەن بىرگە جەمقورلىق فاكتىلەرى بويىنشا دا حابارلاسۋعا بولادى", - دەپ اتاپ ءوتتى "قازسۋشار" رمك باس ديرەكتورى.
ايتا كەتەيىك, قازاقستاندا كومپلاەنس-قىزمەتتەردى دامىتۋ جانە ناسيحاتتاۋ جونىندەگى حالىقارالىق ونلاين-فورۋمعا قازاقستاننىڭ جانە رەسەي, ۋكراينا, يزرايل, اقش-تىڭ حالىقارالىق ساراپشىلارى قاتىستى.
