سقو پد قىزمەتكەرلەرى 44 جاستاعى پەتروپاۆل تۇرعىنى جۇرگىزىپ بارا جاتقان "Toyota Mark" اۆتوكولىگىن توقتاتقان. ونىڭ قاسىندا 1970 جىلى تۋعان سەرىگى بولعان. كولىكتىڭ جۇكسالعىشىن تەكسەرگەندە وندا سكوتچپەن ورالعان, وتكىر ءيىسى بار وسىمدىك تەكتەس زات سالىنعان ءۇش قاپ تابىلعان. ساراپتاما قورىتىندىسىنا قاراعاندا بۇل كەپتىرىلگەن ماريحۋانا بولىپ شىققان.
الىنعان زاتتىڭ جالپى سالماعى – 59 كيلى 770 گرامم بولعان, بۇل اسا ءىرى كولەمگە جاتادى. ەسىرتكىنىڭ جولاۋشىعا تيەسىلى ەكەندىگى بەلگىلى بولدى. ونىڭ ايتۋىنشا, ول ەسىرتكىنى بەلگىسىز ادامنان ساتىپ العان.
اتالعان فاكتى قىلمىستىق كودەكستىڭ "ەسىرتكى, پسيحوتروپتىق زاتتارمەن, سول تەكتەستەرمەن, پرەكۋرسورلارمەن وتكىزۋ ماقساتىنسىز زاڭسىز جۇمىس ىستەۋ" اتتى 296-بابى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى. كۇدىكتى ۋاقىتشا قاماۋدا ۇستاۋ يزولياتورىنا قامالدى, پوليتسەيلەر بولعان وقيعانىڭ ءمان-جايىن انىقتاۋدا.
"بۇل جىل باسىنان الىنعان ەسىرتكىنىڭ ەڭ ءىرى كولەمىنىڭ ءبىرى. جىل باسىنان بەرى بارلىعى 390 كگ استام ءتۇرلى ەسىرتكى زاتتارى, ونىڭ ىشىندە 1 كگ 690 گرامم سينتەتيكالىق ءدارى-دارمەك الىندى. قىلمىستىق جاۋاپكەرشىلىككە 85 ادام تارتىلدى. وبلىستا مامىر مەن قازان ايلارى ارالىعىندا ءوتىپ جاتقان "قاراسورا" ءجپىش اياسىندا ەسىرتكىمەن زاڭسىز جۇمىس ىستەۋدىڭ 120 فاكتىسى انىقتالدى", - دەيدى سقو پد باستىعىنىڭ ورىنباسارى, پوليتسيا پولكوۆنيگى رۋسلان نازاروۆ.
