سالتاناتتى راسىمگە يران ۇكىمەتى تاراپىنان پرەزيدەنتتىڭ كەڭەسشىسى, ير مۇراعات جانە ۇلتتىق كىتاپحانا ۇيىمىنىڭ باسشىسى ءاشراف بورۋدجەردي قاتىستى.
ءا.بورۋدجەردي يران اقىنى فەردوۋسيدىڭ ءوز شىعارماشىلىعى ارقىلى ۇلتتىڭ ءتىلى مەن رۋحىنا جان بىتىرگەنىن, سول سياقتى ابايدىڭ ءوز حالقىنا ولشەۋسىز ەڭبەك سىڭىرگەنىن تارقاتىپ ايتتى. ءا.بورۋدجەردي قازاق جانە پارسى ويشىلدارىن قوس ەل حالىقتارىنا جاقىن تانىستىرىپ, ەكىجاقتى مادەني ىقپالداستىقتى ارتتىرۋدى قۇپتايتىنىن مالىمدەدى.
ەلشى اسحات ورازباي راسىمدە سويلەگەن سوزىندە ابايدىڭ فيلوسوف, اقىن, ۇستاز, ۇلتتىق جاڭا ادەبيەتتىڭ نەگىزىن قالاۋشى, كومپوزيتور رەتىندە جارقىن مۇرالار قالدىرعانىن ەگجەي-تەگجەيلى باياندادى. بۇل ويشىلدىڭ ءوز حالقىن ءبىلىم-عىلىم ىزدەۋگە, قوعامدى وركەندەتۋگە شاقىرعان تاريحي رولىنە, ەڭبەكتەرىنىڭ ادەبي, فيلوسوفيالىق تۇرعىدان قۇندىلىعىنا كەڭىنەن توقتالدى.
قازاقستان ەلشىسى بيىل قر پرەزيدەنتى قاسىم-جومارت توقاەۆتىڭ باستاماسىمەن قازاقستاندا جانە شەت ەلدەردە قازاقتىڭ ۇلى اقىنى اباي قۇنانباي ۇلىنىڭ 175 جىلدىق مەرەيتويى, شىعىستىڭ كورنەكتى فيلوسوفى ءال-ءفارابيدىڭ 1150 جىلدىق مەرەيتويى مەرەكەلەنىپ جاتقانىن, وسى ورايدا قازاقستان مەن يران كوپتەگەن حالىقارالىق ءىس-شارالاردى بىرلەسىپ وتكىزىپ كەلە جاتقانىن اتاپ ءوتتى.
سالتاناتتى ءراسىم بارىسىندا تاراپتار قر جانە ير اراسىنداعى مادەني بايلانىستاردى, ەكى ەلدىڭ ۇلتتىق كىتاپحانالارى اراسىنداعى قاتىناستاردى ەكىجاقتى جانە كوپجاقتى ىنتىماقتاستىق اياسىندا ودان ءارى وركەندەتۋگە ءازىر ەكەندەرىن ءبىلدىردى.
ەلشى پرەزيدەنتىنىڭ كەڭەسشىسى ءا.بورۋدجەرديگە پارسى تىلىنە اۋدارىلعان قازاقستاندىق تاقىرىپتاعى كىتاپتاردى, سونىڭ ىشىندە اباي قارا سوزدەرى مەن ولەڭدەرىن جانە وزگە دە ماتەريالداردى تابىستادى.
