ەكونوميكا • 29 قازان، 2020

ورتاق قارجى نارىعىن قالىپتاستىرۋ كەدەرگىلەردى جويادى

22 رەت كورسەتىلدى

بۇگىن ەۋرازيالىق ەكونوميكالىق كوميسسيانىڭ ەكونوميكا جانە قارجىلىق ساياسات جونىندەگى القا مۇشەسى، مينيستر تيمۋر جاقسىلىقوۆ "قارجىلىق قاۋىپسىزدىك اۋماعى" قارجىلىق قىزمەتتەرىن تۇتىنۋشىلاردىڭ قۇقىقتارىن قورعاۋ جونىندەگى V حالىقارالىق كونفەرەنتسيادا ەۋرازيالىق ەكونوميكالىق وداقتىڭ ورتاق قارجى نارىعىن قالىپتاستىرۋ تۇجىرىمداماسىنىڭ ەرەجەلەرىن ىسكە اسىرۋ بويىنشا جۇمىس تۋرالى ايتتى، دەپ جازادى Egemen.kz  ەەك سايتىندا جاريالانعان دەرەكتەرگە سىلتەمە جاساپ.

"الداعى جىلدارى وداق ەلدەرى قارجى زاڭناماسىن ۇيلەستىرۋدى، ەاەو ەلدەرىنىڭ قارجىلىق قىزمەتتەرىن جەتكىزۋشىلەردىڭ ءبىر-ءبىرىنىڭ نارىقتارىنا ءوزارا كىرۋىن قامتاماسىز ەتۋدى، زاماناۋي نارىقتىق ينفراقۇرىلىمدى قالىپتاستىرۋدى، الدىڭعى قاتارلى حالىقارالىق تاجىريبەنى قولدانا وتىرىپ، قارجى تەحنولوگيالارىن دامىتۋدى جانە اكىمشىلىك ىنتىماقتاستىقتى جەتىلدىرۋدى قوسا العاندا، ايتارلىقتاي جۇمىس اتقارۋى كەرەك"، دەپ اتاپ ءوتتى ەەك ءمينيسترى.

ونىڭ ايتۋىنشا، تۇجىرىمدامانى ىسكە اسىرۋ وداق شەڭبەرىندە كاپيتال مەن قارجىلىق قىزمەتتەردىڭ ەركىن قوزعالىسى جولىنداعى بار كەدەرگىلەردى جويۋعا، جەكە تۇلعالار مەن كاسىپكەرلىك سۋبەكتىلەرى ءۇشىن ينۆەستيتسيالىق، بانكتىك جانە ساقتاندىرۋ ونىمدەرىنىڭ قول جەتىمدىلىگى مەن الۋان تۇرلىلىگىن ارتتىرۋعا مۇمكىندىك بەرەدى.

قارجى قىزمەتتەرىن تۇتىنۋشىلار ءۇشىن قاۋىپسىزدىك پەن جايلىلىق ايماعىن قۇرۋ ءبىرىنشى كەزەكتەگى ماسەلە.

"قارجى قىزمەتتەرىن جەتكىزۋشىلەردىڭ نارىقتىق ءتارتىبىن رەتتەۋ مەن قاداعالاۋ سالاسىنداعى زاڭنامانى ودان ءارى جەتىلدىرۋ، سونداي-اق ۇلتتىق قارجىلىق رەتتەۋشىلەردىڭ، ىسكەري قوعامداستىق پەن قارجى ومبۋدسمەندەرىنىڭ ءوزارا ءىس-قيمىلىن، سونىڭ ىشىندە ادىلەتسىز تاجىريبەلەر مەن قارجىلىق پيراميدالارعا قارسى ءىس-قيمىلدىڭ ءتيىمدى ادىستەرى بويىنشا تاجىريبە الماسۋدى بەلسەندى تۇردە دامىتۋ قاجەت دەپ سانايمىن"، - دەپ تۇيىندەدى ول.

ەەك ءمينيسترى تسيفرلىق رەۆوليۋتسيا بىرقاتار ەلەۋلى قاتەرلەرگە تولى ەكەنىن، ونىڭ ىشىندە ازاماتتاردىڭ قارجىلىق قاۋىپسىزدىگى سالاسىنا دا قاۋىپ ءتوندىرىپ تۇرعانىن اتاپ ءوتتى. وسىعان بايلانىستى، الاياقتىق سحەمالارىن جەتىلدىرەتىن كيبەر قىلمىسكەرلەرگە قارسى تۇرۋ ءۇشىن قىلمىستىڭ وسى تۇرىنە قارسى ءىس-قيمىل بويىنشا حالىقارالىق ىنتىماقتاستىقتى جانداندىرا ءتۇسۋ وزەكتى بولا تۇسەدى.

كونفەرەنتسياعا قاتىسۋشىلار قارجىلىق قىزمەتتەردى تۇتىنۋشىلار ءۇشىن قاۋىپسىزدىك پەن جايلىلىق ايماعىن قۇرۋ، تسيفرلىق رەۆوليۋتسيا جاعدايىنداعى ازاماتتاردىڭ قارجىلىق قاۋىپسىزدىگى، جوسىقسىز تاجىريبەلەر مەن قارجىلىق پيراميدالارعا قارسى ءىس-قيمىل شارالارى، سونداي-اق قاۋىپسىز ينۆەستيتسيالاۋ ماسەلەلەرىن تالقىلادى.

سوڭعى جاڭالىقتار

اتىراۋ وبلىسىندا بالىق قىرىلدى

ەكولوگيا • بۇگىن، 16:11

بازالىق مولشەرلەمە كوتەرىلە مە؟

ەكونوميكا • بۇگىن، 13:43

2757 ادام كوروناۆيرۋستان جازىلدى

كوروناۆيرۋس • بۇگىن، 09:51

الماتى وبلىسى «سارى» ايماققا ءوتتى

كوروناۆيرۋس • بۇگىن، 09:17

ۇقساس جاڭالىقتار