"23 قازاننان بەرى ء"اموز" جشس جانىندا ورنالاسقان LED-ەكراندا سىناق رەجيمىندە زاۋىتتىڭ سانيتارلىق-قورعاۋ ايماعى شەكاراسىنىڭ باقىلاناتىن ءتورت نۇكتەسىنەن تۇسەتىن اتموسفەرالىق اۋانىڭ جاي-كۇيى تۋرالى دەرەكتەر ساعات سايىن جاريالانۋدا. بۇل ايماقتا تاۋلىك بويى باقىلاۋ اۆتوماتتى ستانتسيالاردا جۇرگىزىلەدى. وندا اتموسفەرالىق اۋاداعى لاستاۋشى زاتتاردىڭ قۇرامى كۇكىرتسۋتەگى, كومىرتەگى وكسيدى, ازوت وكسيدى, كۇكىرتتى انگيدريد جانە كومىرسۋتەكتەردىڭ كورسەتكىشتەرى بويىنشا باقىلانادى. اۆتوماتتى ستانتسيالاردىڭ دەرەكتەرى Wincollect اقپاراتىن جيناۋ مەن وڭدەۋدىڭ اۆتوماتتى باعدارلاماسىمەن ساعات سايىن ەسەپتەردى گەنەراتسيالاۋ, كەيىننەن دەرەكتەردى AirKZ قوسىمشاسىنا ينتەگراتسيالاۋ ارقىلى "قازگيدرومەت" رمك-نىڭ FTP-سەرۆەرىنە جىبەرىلەدى", دەپ حابارلادى كاسىپورىننىڭ قوعاممەن بايلانىس ءبولىمى.
سونداي-اق, ستانتسيالاردا جەلدىڭ باعىتى مەن جىلدامدىعى, اۋا تەمپەراتۋراسى, اتموسفەرالىق قىسىم, سالىستىرمالى ىلعالدىلىق سىندى مەتەورولوگيالىق سيپاتتامالار انىقتالۋدا.
اتىراۋ وبلىسى
