بۇگىنگە دەيىن "قازجول عزي" اق مەن "جول اكتيۆتەرىنىڭ ۇلتتىق ساپا ورتالىعى" رمك ماماندارى اقمولا, سولتۇستىك قازاقستان, قوستاناي, اقتوبە, قىزىلوردا, تۇركىستان, جامبىل, الماتى وبلىستارى جانە الماتى قالاسىنىڭ جولدارى مەن بەلگىلەرىنارنايى قۇرىلعىعا ءتۇسىرىپ, باعاسىن بەرگەن.
جوبا اياسىندا 25 ۇلتتىق ساراپشى وقىتۋدان ءوتىپ جاتىر. ولار جولداردى دەربەس باعالاۋدا. اۆتوموبيل جولدارىنىڭ قاۋىپسىزدىگىنە تولىق ءارى ناقتى باعا بەرۋ ءۇشىن جول جۇيەسى ءار 100 مەتر سايىن 50 پارامەتر بويىنشا كودتالۋدا. جولشىلار وسىلايشا 5700 شاقىرىم جولدى زەرتتەپ ۇلگەرگەن. اتاپ ايتساق, بۇل – "باتىس ەۋروپا – باتىس قىتاي" ءدالىزى, سونداي-اق "نۇر-سۇلتان – پەتروپاۆل", "نۇر-سۇلتان – اتباسار", "قوستاناي – قارابۇتاق", "شىمكەنت – ساراىعاش", "الماتى – تالدىقورعان" اۆتوجولدارى. جالپى بارلىعى 6200 شاقىرىم جولدى باعالاۋ جوسپارلانىپتى.
كودتاۋ ءۇردىسى اياقتالعاننان كەيىن, جولدىڭ ءار ۋچاستكەسىنەIRAPستاندارتتارى مەن نۇسقاۋلارىنا سايكەس بەس باللدىق جۇلدىزشالار رەيتينگى بەرىلەتىن بولادى. بۇل ءوز كەزەگىندە قاۋىپسىزدىك كورسەتكىشتەرىن جاقسارتىپ, جول-كولىك وقيعالارىن ازايتۋعا سەپتىگىن تيگىزەدى.
جوبا جول ءجۇرۋ قاۋىپسىزدىگىن جاقسارتۋ بويىنشا ينۆەستيتسيالىق جوسپاردى جانە IRAP وزىق بىلىمدەرىنىڭ ۇلتتىق پلاتفورماسىن قۇرۋعا مۇمكىندىك بەرمەك. بۇدان بولەك, اتالعان جۇيەنى ۇلتتىق زاڭناماعا ەنگىزۋ بويىنشا ەگجەي-تەگجەيلى ۇسىنىستار ازىرلەۋ كوزدەلگەن.
جولداردى باعالاۋدىڭ حالىقارالىق جۇيەسى ورتالىق ازيا ەلدەرى مەن تمد العاش رەت قازاقستاندا ەنگىزىلىپ جاتقانىن ايتىپ وتكەن ءجون. اتالعان باعدارلاما بويىنشا باعالاۋ بۇگىنگە دەيىن 100-دەن استام مەملەكەتتە جۇزەگە اسقان ەكەن.
