"كينوتەاتر بيلەتتەرىنىڭ باعاسى قىمباتتاۋى ابدەن مۇمكىن ەدى. ورتاشا العاندا, ولاردىڭ قۇنى 20-30 پايىزعا ءوستى. ەگەر بۇرىن كەشكى سەانس 2400 بولعان بولسا, قازىر ول 600 تەڭگەگە قىمبات. كاسىپكەرلەردى تۇسىنۋگە بولادى. توتەنشە جاعداي رەجيمى ولاردىڭ بيزنەسىنە كەرى اسەر ەتتى, ال ازىرگە انشلاگ جاساۋعا تىيىم سالىنادى", - دەدى اۋەزوۆ اۋدانى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ ءبولىم باسشىسى سالتانات بوپەجانوۆا.
بەلگىلى بولعانداي, ازىرشە پروكاتتا كوپتەگەن وتاندىق فيلم بار. شەتەلدىك كينولار پروكاتقا 29 قازاننان باستاپ شىعادى.
اكىمدىكتەگىلەردىڭ ايتۋىنشا, كينوتەاترلاردا بارلىق قاۋىپسىزدىك ەرەجەسى ساقتالعان. كىرەبەرىستە بارلىعىنىڭ دەنە قىزۋى ولشەنەدى, دەزينفەكتسيالىق كىلەمشەلەر توسەلگەن. ءار زالدا سانيتايزەرلەر ورناتىلعان, بارلىق قىزمەتكەر قورعانىس قۇرالدارىمەن جۇمىس ىستەيدى.
