ورىن العان سۇحبات بارىسىندا قازاقستاندىق ديپلومات د.حيورلەيگە قر پرەزيدەنتى قاسىم-جومارت توقاەۆتىڭ جىلى لەبىزدەرى مەن ىزگى تىلەكتەرىن جەتكىزدى. ەلشى اۋستراليا قازاقستان ءۇشىن وڭتۇستىك-شىعىس ازيا مەن وكەانياداعى ماڭىزدى سەرىكتەستەرىنىڭ ءبىرى بولىپ تابىلاتىنىن اتاپ ءوتىپ, ەكى ەل اراسىنداعى دوستىق قاتىناستاردى نىعايتۋعا بار كۇش-جىگەرىن سالاتىنىنا سەندىردى.
ا.ارىستانوۆ قازاقستان-اۋستراليا قاتىناستارىنىڭ ودان ءارى كەڭەيۋى ءۇشىن ايتارلىقتاي الەۋەتى بار ەكەنىن اتاپ ءوتتى. COVID-19 قاراماستان, ءىرى اۋستراليالىق كومپانيالار قازاقستاندىق نارىققا بەلسەندى تۇردە كىرۋدە. الداعى 2-3 جىلدا قازاقستان ەكونوميكاسىنا 55 ميلليون اقش دوللاردان استام ينۆەستيتسيا قۇيىلادى دەپ كۇتىلۋدە. تاۋ-كەن سالاسى, اۋىل شارۋاشىلىعى, سۋ رەسۋرستارىن ۇتىمدى پايدالانۋ, تەحنولوگيالار ترانسفەرتى جانە حالىقارالىق ءبىلىم بەرۋ سياقتى سالالارداعى ىنتىماقتاستىقتىڭ كەلەشەگى زور.
ءوز كەزەگىندە د.حيورلەي ا.ارىستانوۆتى قازاقستان رەسپۋبليكاسىنىڭ اۋستراليا وداعىنداعى ەلشىسىنىڭ قىزمەتىنە كىرىسۋىمەن قۇتتىقتاپ, ونى شەكارالار اشىلعاننان كەيىن ءوز ەلىنە ساپار شەگۋگە شاقىردى. گەنەرال-گۋبەرناتور ەلدەرىمىزدىڭ حالىقارالىق ۇيىمدار شەڭبەرىندەگى ءوزارا قولداۋىن اتاپ ءوتتى جانە قازاقستاندى اۋقىمدى ساياسي جانە ەكونوميكالىق جەتىستىكتەرىمەن قۇتتىقتاپ, ساۋدا-ەكونوميكالىق جانە ينۆەستيتسيالىق سەرىكتەستىكتى كەڭەيتۋگە, سونداي-اق كوپجاقتى ترەكتەگى ىنتىماقتاستىقتى تەرەڭدەتۋگە ءوزارا قىزىعۋشىلىق ءبىلدىردى.
