ەكونوميكا • 28 قازان، 2020

زاڭدى تۇلعالار شوتتان كەز كەلگەن سومانى شەشە المايدى

778 رەت كورسەتىلدى

قازاقستاندا 2021 جىلدىڭ 1 قاڭتارىنان باستاپ زاڭدى تۇلعالار ءۇشىن شوتتان شەشىلىپ، قولعا بەرىلەتىن اقشا كولەمىنە شەكتەۋ ەنگىزىلىپ جاتىر، دەپ جازادى Egemen.kz.

الماتى قالاسى بويىنشا مەملەكەتتىك كىرىستەر دەپارتامەنتىنىڭ مالىمەتىنشە،

بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن، مەملەكەتتىك كىرىستەر ورگاندارىنا بەلگىلەنگەن ليميتتەن اساتىن قولما-قول اقشانى بەرۋدەن باس تارتۋعا نەگىزدەلگەن مالىمەتتەردى ۇسىناتىن ەكىنشى دەڭگەيلى بانكتەر مەن ۇيىمداردىڭ مىندەتتەمەسىندە قاراستىرىلعان.

وسىلايشا، تاۋەكەلدەردى باسقارۋ جۇيەسىن قولدانۋدى ەسكەرە وتىرىپ، كەلەسى شەشىمدەردىڭ ءبىرى قابىلدانادى:

تومەن تاۋەكەل دارەجەسى ءۇشىن – قولما-قول اقشانى بەرۋدەن باس تارتۋعا نەگىز بولماعان كەزدە;

جوعارى تاۋەكەل دارەجەسى بويىنشا – قولما-قول اقشانى بەرۋدەن باس تارتۋعا نەگىز بولاتىندىعى تۋرالى.

"ەكىنشى دەڭگەيدەگى بانكتەرمەن جۇمىس جاساعاندا سالىق تولەۋشىلەر بۇل اقپاراتتى ەسكەرۋى كەرەك"، دەپ اتاپ ءوتتى مەملەكەتتىك كىرىستەر دەپارتامەنتىنىڭ وكىلدەرى.

ەستەرىڭىزگە سالا كەتەيىك، ءبىر اي ىشىندە كاسىپكەرلىك سۋبەكتىلەردىڭ بانكتىك شوتتاردان قولما-قول اقشانى الۋ سوماسىنا كەلەسى شەكتى سومالار بويىنشا بەلگىلەندى. سونىڭ ىشىندە 20 ميلليون تەڭگە شاعىن كاسىپكەرلىككە، 120 ملن تەڭگە ورتا بيزنەسكە جانە 150 ميلليون تەڭگە ءىرى كاسىپكەرلىك سۋبەكتىلەرى ءۇشىن قاراستىرىلىپ وتىر.

سوڭعى جاڭالىقتار

ۇقساس جاڭالىقتار