بايقاۋعا قازاقستان رەسپۋبليكاسىنىڭ كەز كەلگەن تۇرعىنى قاتىسا الادى. كونكۋرسقا ۇسىنىلاتىن جۇمىستاردى كەز كەلگەن تۇردە – ۆيدەو, فوتو, سۋرەت, كوللاج, گرافيكالىق ديزاين, ولەڭ, ءان ت.ب. بەرۋگە بولادى.
قاتىسۋشى ءارتۇرلى نوميناتسياعا ءتۇرلى جۇمىستارىن جىبەرە الادى. ءبىر قاتىسۋشىنىڭ بىرنەشە جۇمىس ۇسىنۋىنا شەكتەۋ جوق.
كونكۋرس 4 نوميناتسيادان تۇرادى: 1. ۆيرۋسقا قارسى ۇزدىك بەينەروليك. 2. تۇتىنۋشىلارعا قامقورلىق. 3. انتيۆيرۋس بوياۋلارى. 4. بەتپەردە كيگەن ادام.
بايقاۋعا قاتىسۋشىلار جۇمىستارىن Instagram, Facebook جانە ت.ب. الەۋمەتتىك جەلىلەردەگى پاراقشالارىندا ءوزى قاتىساتىن نوميناتسيانى كورسەتە وتىرىپ, قازاق نەمەسە ورىس تىلىندە #انتيكوۆيدKrg حەشتەگىمەن جاريالايدى. سونداي-اق, Life.09_ Instagram پاراقشاسىنا جازىلىپ, سىلتەمە جاساۋى شارت.
ايتا كەتەيىك, بايقاۋ 1-25 قاراشا ارالىعىندا وتكىزىلەدى. بايقاۋ قورىتىندىسى 26 قاراشادان 29 قاراشاعا دەيىن شىعارىلادى. ءار نوميناتسيا بويىنشا 5 جەڭىمپاز انىقتالادى. جالپى 4 نوميناتسيا بويىنشا 20 جەڭىمپاز تاڭدالادى. جەڭىمپازداردىڭ ارقايسى 50 000 تەڭگەدەن اقشالاي سىياقىمەن ماراپاتتالادى.
