وعان ماڭعىستاۋ وبلىسىنىڭ اكىمى, سونداي-اق قازاقستان, تۇركيا, وزبەكستان ەلدەرىنەن كەلگەن تەولوگ-عالىمدار, ساياساتتانۋشىلار, فيلوسوفتار مەن ءدىنتانۋشىلار, سونداي-اق Yessenov University پروفەسسور-وقىتۋشىلار قۇرامى مەن عىلىمي قىزمەتكەرلەرى قاتىستى.
بيىل ەلىمىزدە كورنەكتى فيلوسوف ءابۋ ناسىر ءال-ءفارابيدىڭ 1150 جىلدىعى مەن ۇلى اقىن-اعارتۋشى اباي قۇنانباەۆتىڭ 175 جىلدىعى تۇسپا-تۇس كەلىپ وتىر. وسىعان وراي Yessenov University قابىرعاسىندا ءال-فارابي جانە اباي اتىنداعى 500 ورىندىق ەكى وقۋ ءدارىسحاناسىنىڭ اشىلۋى ءوتتى. ءوڭىر باسشىسى ۋنيۆەرسيتەت ستۋدەنتتەرى مەن وقىتۋشىلارىن ايتۋلى وقيعامەن قۇتتىقتادى.
كونفەرەنتسيا وتىرىسى Zoom پلاتفورماسى ارقىلى ونلاين فورماتتا جۇرگىزىلدى. تانىمدىق شارانىڭ ناتيجەلى وتۋىنە ءىلتيپات بىلدىرگەن ساياسي عىلىمدار دوكتورى, قر مەملەكەتتىك حاتشىسى قىرىمبەك كوشەرباەۆ ۆيدەو قۇتتىقتاۋ جولدادى. كونفەرەنتسيانىڭ پلەنارلىق وتىرىسىنا قازاقستاننىڭ نۇر-سۇلتان, الماتى, تۇركىستان, اتىراۋ, اقتوبە, اقتاۋ قالالارىنان جəنە تۇركيانىڭ ستامبۇل, وزبەكستاننىڭ حيۋا قالالارىنان عالىمدار قاتىسىپ, بايانداما وقىدى. سونداي-اق "بەكەت اتا تانىمىنداعى ادام مەن عالام كونتسەپتسياسى", "بەكەت اتا جəنە قازاقتىڭ كوركەمدىك-ەستەتيكالىق تانىمى" باعىتتارى بويىنشا سەكتسيا جۇمىستارى جۇرگىزىلدى. وعان ەلىمىزدىڭ əر وڭىرىنەن ىنتا بىلدىرگەن عالىمدار مەن Yessenov University پروفەسسور-وقىتۋشىلارى, عىلىمي قىزمەتكەر قاتىستى.
حالىقارالىق دەڭگەيدە ۇيىمداستىرىلعان شاراعا بەكەت اتا تۋرالى ىزدەنىپ, عىلىمي زەرتتەۋ جۇرگىزگەن 10 عالىمنىڭ بايانداماسى وقىلدى. عالىمدار بەكەت اتا ءومىرى مەن ونەگەسىن زەرتتەپ-زەردەلەۋ جۇمىستارىن جالعاستىرا بەرەتىندەرىن ايتتى.
