ەلوردا • 28 قازان، 2020

ەلوردادا سالىناتىن جاڭا كوپىردىڭ ەسكيزى پايدا بولدى

37 رەت كورسەتىلدى

نۇر-سۇلتانداعى تاۋەلسىزدىك داڭعىلىندا جاڭا كوپىر سالىنادى. ول تاۋەلسىزدىك سارايىنان كەرەي، جانىبەك حاندار كوشەسىنە دەيىن جالعاساتىن بولادى. كوپىر قالاداعى كولىك قوزعالىسىن ايتارلىقتاي ازايتادى دەپ كۇتىلۋدە، دەپ حابارلايدى Egemen.kz.

جاڭا كوپىردىڭ ەسكيزدەرىن قالالىق ۋربانيستيكا ورتالىعى ازىرلەدى. كوپىردىڭ جالپى ۇزىندىعى - 910 م، ەنى – 36 م، شامداردىڭ بيىكتىگى - 5-تەن 16 مەترگە دەيىن جەتەتىن بولادى. كوپىر شامدارى ماساق تۇرىندە جاسالادى. جوبانىڭ نەگىزگى يدەياسى تىڭ جەرلەردى يگەرۋ تاريحي وقيعاسىمەن بايلانىستى. كوپىردە ورنالاسقان ءتورت باعان ويۋ-ورنەكتەرمەن بەزەندىرىلەدى.

ا

كوپىردە تروتۋار جانە ۆەلوسيپەد جولاقتارى دا قاراستىرىلعان. ول ەلوردانىڭ وڭ جانە سول جاعالاۋىن جالعايتىن بولادى. بۇل قۇرىلىس "نۇر-سۇلتان-جايلى قالا" ماستەر–جوسپارى اياسىندا جۇرگىزىلۋدە. سونىمەن قاتار، بۇقارالىق سپورتتى دامىتۋ ءۇشىن جاڭا كوپىر استىنداعى قوعامدىق كەڭىستىك قۇرىلادى.

س

"تاۋەلسىزدىك داڭعىلىنان جالعاساتىن جاڭا كوپىر ەلوردامىزدىڭ تاريحي وتكەنىن بەينەلەيدى. كوپىر سول جانە وڭ جاعالاۋدى جالعاپ، اكىمشىلىك ورتالىقتان جاڭا تەمىرجول ۆوكزالىنا دەيىن جول ءجۇرۋ ۋاقىتىن قىسقارتىپ، جولاۋشىلار اعىنىن جەڭىلدەتەتىنى ماڭىزدى"، - دەپ اتاپ ءوتتى نۇر-سۇلتان قالاسىنىڭ ۋربانيستيكا ورتالىعىنىڭ باسشىسى ەلنار بازىكەن. 

ز

ايتا كەتەيىك، جاڭا كوپىردىڭ قۇرىلىسى كەلەسى جىلعا جوسپارلانعان.

 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار