"قاتىسۋشىلار سايتتا تىركەلىپ, نومەر الادى جانە اۋكتسيون زالىنا ەلەكتروندىق اۋكتسيوندار وتكىزىلگەنگە دەيىن ءبىر ساعات بۇرىن كىرەدى. بۇل وتە ماڭىزدى, ويتكەنى ولار اۋكتسيون كەزىندە كىرمەسە, اۋكتسيوننىڭ وتپەۋى مۇمكىن. اۋكتسيون باعانى ارتتىرۋ ارقىلى وتەدى. ءبىز باستاپقى جازىلىم بونۋسىن ۇسىنامىز جانە سودان كەيىن باعا ءوسىپ وتىرادى. قاتىسۋشىلار ءوز باعالارىن ۇسىنادى. ءبىز ەرەجەلەردە اۋكتسيون قادامىنىڭ قالاي وسەتىنىن سيپاتتادىق. مىسالى, اعىمداعى جازىلۋ بونۋسى 20 000 اەك-كە تەڭ نەمەسە ودان از بولسا, وندا اۋكتسيوننىڭ كەلەسى قادامى 25%-عا, ودان ءارى 20, 15, 10 جانە 5%-عا ۇلعايادى. ال اۋكتسيون جەڭىمپازى انىقتالعان كەزدە, ول كەلىسكەن قول قويۋ بونۋسىن تولەيدى, سودان كەيىن ونىمەن كەلىسىمشارت جاسالادى", - دەپ ءتۇسىندىردى ۆەدومستۆو وكىلى.
ايتا كەتەيىك, ەگەر ساۋدا-ساتتىق جەڭىمپازى 20 جۇمىس كۇنى ىشىندە قول قويۋ بونۋسىن تولەمەسە, كەلىسىمشارت اۆتوماتتى تۇردە بۇزىلادى.
كەيىننەن كەلىسىمشارتتارعا قول قويۋ دا ەلەكتروندىق تۇردە جۇرگىزىلەتىن بولادى. جەڭىمپازدىڭ اتى جازىلعان اۋكتسيون ناتيجەلەرى سايتتا جاريالانادى.
"1 قىركۇيەكتەن باستاپ اۋكتسيوندى وتكىزۋگە وتىنىشتەردى قابىلداۋ بويىنشا فۋنكتسيونال ىسكە قوسىلدى. قازىرگى ۋاقىتتا اۋكتسيون وتكىزۋگە 30-دان استام ءوتىنىش كەلىپ ءتۇستى. ناتيجەسىندە, 10 ۋچاسكەنى ەلەكتروندىق اۋكتسيونعا شىعارۋ تۋرالى شەشىم قابىلداندى. بيىل ايقىندىلىق ءۇشىن اۋكتسيون ترانسلياتسياسىن وتكىزۋدى جوسپارلاپ وتىرمىز", - دەپ اتاپ ءوتتى جاحمەتوۆا.
جاڭا ەرەجەلەر بويىنشا العاشقى اۋكتسيون 23 جەلتوقساندا نۇر-سۇلتان ۋاقىتىمەن ساعات 10.00-دەن 17.00-گە دەيىن وتەدى. ساۋدا-ساتتىققا 400 ملن تەڭگەگە قول قويۋ بونۋستارىنىڭ جالپى باستاپقى مولشەرى بار 10 مۇناي-گاز ۋچاسكەسى شىعارىلادى. جالپى اۋدانى – 29 مىڭ شارشى شاقىرىم.
