«قازاقستان تەمىر جولى» ۇك» اق ءباسپاسوز قىزمەتىنىڭ حابارلاۋىنشا, ءىس-شارا بارىسىندا COVID-19 پاندەمياسىنىڭ جۇك تاسىمالداۋ ديناميكاسىنا اسەرىن ەسكەرە وتىرىپ, «تحقر «حا» زاڭدى تۇلعالار بىرلەستىگىنىڭ ترانسكاسپي حالىقارالىق كولىك مارشرۋتى بويىنشا 2020 جىلدىڭ 9 ايىنداعى تاسىمالداۋ جوسپارىنىڭ ورىندالۋى جونىندەگى ەسەپ تىڭدالدى, ەسەپتى كەزەڭگە ساي تاسىمالداۋ كولەمى 1500 جفە-ءنى قۇرادى.
سونىمەن قاتار كەزدەسۋ اياسىنداعى پىكىرتالاستار ناتيجەسىندە ازەربايجاندىق ۆاگوندار وپەراتورى «ADY Express» جشس «KTZ Express» اكتسيونەرلىك قوعامى ۇيلەستىرەتىن ترانسكاسپي كولىك مارشرۋتىنىڭ كونسورتسيۋمىنا ءبىراۋىزدان قابىلداندى.
وتىرىستىڭ كۇن تارتىبىندە سونىمەن قاتار كونتەينەرلىك پويىزداردىڭ ءوتۋ ۋاقىتى, شىعىس – باتىس باعىتىندا جەكە جانە توپتىق جونەلتۋلەر, سونداي-اق 2019 جىلدىڭ 25 ماۋسىمىندا بەكىتىلگەن كاسپي تەڭىزى پورتتارى (اقتاۋ, باكۋ, الات) اراسىنداعى فيدەر كەمەلەرىنىڭ قاتىسۋىمەن تىكەلەي حالىقارالىق تەمىر جول جانە سۋ قاتىناسىندا كونتەينەرلىك تاسىمالدى ۇيىمداستىرۋ تۋرالى كەلىسىمگە وزگەرىستەر ەنگىزۋ ماسەلەلەرى تالقىلاندى.
ء«بىز Tحقر قاتىسۋشىلارىنىڭ بىرلەسكەن جوبالارمەن جۇمىس ىستەۋگە دەگەن جوعارى قىزىعۋشىلىعىن بايقايمىز جانە تاسىمالداۋ پروتسەسىنىڭ بىرىڭعاي تەحنولوگياسىن جەتىلدىرۋگە, اكىمشىلىك پروتسەدۋرالاردى جەڭىلدەتۋگە, باسەكەلەستىك ورتانى قۇرۋعا, سونىمەن قاتار ترانزيتتىك جانە سىرتقى ساۋدا جۇكتەرىن تارتۋ باعىتىنىڭ ماكسيمالدى تيىمدىلىگىن قامتاماسىز ەتۋگە تىرىسامىز», دەدى پ.سوكولوۆ.
وتىرىس ناتيجەسىندە قاتىسۋشىلار بايىتىلعان كومىر, كوكس جاڭعاعى, كۇكىرت, سۇيىتىلعان گاز, استىق, مايلى داقىلدار, بۇرشاق داقىلدارىن جانە باسقا دا تاۋار نومەنكلاتۋراسىن تاسىمالداۋعا ارنالعان Tحقر مارشرۋتىنداعى تاريفتىك شارتتاردى بەكىتتى.
