* * *
وتباسىن اسىراۋ ءۇشىن 15 جىل گولليۆۋدقا ستسەناري جازعان.
* * *
1983 جىلى «اۆەسسالوم, اۆەسسالوم!» اتتى رومانى «گيننەستىڭ رەكوردتار كىتابىنا» «ادەبيەتتەگى ەڭ ۇزاق سويلەمى» ءۇشىن ەنگەن. فولكنەردىڭ ەڭ ۇزاق سويلەمى 1288 سوزدەن (49 بەتتەن) تۇرادى.
* * *
ۋيليام مايدان دالاسىنا ەرىكتى بولىپ بارۋدى قالاپتى. بىراق بويى قىسقا بولعاندىقتان (166 سم) الماعان.
روبەرت روجدەستۆەنسكي
ونىڭ شىن تەگى – پاتكەۆيچ. دەگەنمەن ءبىز بىلەتىن تەگى لاقاپ اتى ەمەس. روبەرت 13 جاستا بولعاندا اناسى يۆان روجدەستۆەنسكيمەن تانىسادى. كەيىن ەكەۋى باس قوسىپ, وگەي اكەسى بولاشاق اقىنعا ءوز فاميلياسىن بەرىپتى. ال روبەرت دەپ رەۆوليۋتسيونەر ەيحەنىڭ قۇرمەتىنە قويعان.
* * *
روجدەستۆەنسكي ادەبي ينستيتۋتقا بىردەن تۇسە العان جوق. وعان سەبەپ – قاتتى ۇيالعاندىقتان كەكەشتەنىپ سويلەيتىن.
* * *
سپاسك مۇناراسى مەن لەنين ماۆزولەيىنىڭ اراسى 210 قادام بولعاندىقتان, اقىن پوەماسىن سولاي اتاپتى.
* * *
اقىن قۇرمەتىنە روجدەستۆەنسكي استەرويدى اتالعان (5360).
كونستانتين پاۋستوۆسكي
گيمنازيادا گەوگرافيانى ەرەكشە جاقسى كوردى.
* * *
مارلەن ديتريح ورتالىق ادەبيەتشىلەر ۇيىندە جازۋشى الدىندا تىزەرلەپ, تالانتىن مويىنداپتى.
* * *
كونستانتين پاۋستوۆسكي ەسىمىمەن 5269 نومىرىندەگى كىشكەنتاي پلانەتا اتالعان.
* * *
قالامگەردىڭ اجەسى تۇركيادان بولعان. جانە حريستيان ءدىنىن قابىلداعانعا دەيىن ونى فاتيما دەپ اتاپتى.
* * *
بالىققا بارۋعا قاتتى قۇمار بولعان.
* * *
جازۋشى وقىعان كيەۆ گيمنازياسىنا العاش رەت ءىى نيكولاي بارىپتى. تىزىلگەن ساپتىڭ سول جاعىندا تۇرعان كونستانتيننىڭ قولىن الىپ, اتى-ءجونىن سۇراعان.
* * *
پاۋستوۆسكيلەر مۇحتار اۋەزوۆ وتباسىمەن وتە جاقسى ارالاسقان. ەلدار دۇنيەگە كەلگەن كەزدە پاۋستوۆسكي كۇمىس قاسىق سىيلاعان.
ۋيليام شەكسپير
شەكسپير اعىلشىن ءتىلىنىڭ قورجىنىنا 3200 جاڭا ءسوز قوسقان.
* * *
ء«ولتىرۋ» («ۋبيستۆو») ءسوزىن دە تۇرمىستىق قولدانىسقا ەنگىزگەن شەكسپير.
* * *
ەگىز بالالارى بولعان.
* * *
شەكسپير 23 ساۋىردە دۇنيەگە كەلىپ, 23 ساۋىردە ومىردەن وتكەن.
* * *
شىعارمالارى بريتانيادا بيبليادان كەيىنگى ەكىنشى ورىندى الادى.
* * *
ۋران پلانەتاسىنىڭ بارلىق سەرىكتەرى شەكسپير كەيىپكەرلەرىنىڭ قۇرمەتىنە اتالعان.
اگاتا كريستي
4 ميلليارد دانا كىتاپ – اگاتا كريستيدىڭ دەتەكتيۆ جانرىنداعى بيىكتىگى. بۇل مەجەنى كريستيگە دەيىن تەك بيبليا مەن شەكسپير شىعارمالارى عانا باعىندىرعان.
* * *
ءومىر بويى ديسگرافيامەن (سوزدەگى ارىپتەردى دۇرىس قويا الماۋ) اۋىرعان.
* * *
كريستي ۋلاردى جاقسى اجىراتاتىن. ونىڭ بۇل قىزىعۋشىلىعى ءبىرىنشى دۇنيەجۇزىلىك سوعىس كەزىندە مەدبيكە بولىپ جۇرگەندە پايدا بولعان.
* * *
1985 جىلى ۆەنەرا كراتەرى اگاتا كريستيدىڭ ەسىمىمەن اتالدى.
ميحايل لەرمونتوۆ
تالانتتى سۋرەتشى بولعان.
* * *
ازەربايجان ءتىلىن وقىپتى.
* * *
لەرمونتوۆتىڭ قۇرمەتىنە 1970 جىلداردىڭ سوڭىندا تابىلعان كىشكەنتاي پلانەتا اتالعان.
انتۋان دە سەنت-ەكزيۋپەري
بىردە ەكزيۋپەري دوسىنىڭ ۇيىنە تۇپنۇسقاداعى يلليۋستراتسيالار مەن قولجازبا سالىنعان مىجىلعان كونۆەرت تاستاپ, ءوزى فرانتسياعا اسكەري قىزمەتكە ۇشىپ كەتىپتى. 140 بەتتەن تۇراتىن قولجازبادا ءتۇرلى شيماي, قىسقارتۋلار, ءتىپتى كوفەنىڭ داقتارى مەن تەمەكىنىڭ ىزدەرى دە بار. ەكزيۋپەري بۇنى قوشتاسۋ سىيلىعى رەتىندە قالدىرىپ, «مەن ساعان بۇدان دا عاجاپ دۇنيە سىيلاعىم كەلگەن, بىراق مەنىڭ بارىم وسى» دەپ جازىپ كەتكەن. بۇل – اۆتوردىڭ ۇلى شىعارماسى «كىشكەنتاي حانزادا» ەدى.
