سالتاناتتى شارانىڭ اشىلۋ راسىمىندە وبلىس باسشىسى و.ورازالين ۇلى اقىننىڭ حالقىمىزدىڭ ومىرىنەن الار ايشىقتى ورنىن اتاپ ءوتىپ, قۇرمەتتى قوناقتارعا العىسىن ءبىلدىردى.
«بيىل ەلىمىزدە ۇلى اقىن اباي قۇنانباي ۇلىنىڭ تۋعانىنا 175 جىل تولۋىنا بايلانىستى كوپتەگەن ءىس-شارالار جوسپارلانعان بولاتىن. الايدا, əلەمدە ورىن الىپ جاتقان ەپيدەميولوگيالىق احۋالدىڭ سالدارىنان جوسپارلانعان شارالار كەيىنگە شەگەرىلگەنىمەن, ءار وڭىردە ۇلى اقىنعا ارنالعان ءتۇرلى شارالاردى جاڭا فورماتتا ءوتىپ جاتىر. مىنە, بۇگىن سۇيىكتى مەكەن –اقتوبەمىزدىڭ ءدال ورتاسىنان ۇلى اقىننىڭ قۇرمەتىنە ەسكەرتكىش اشىلعالى وتىر.
بارىمىزگە بەلگىلى, ابايدىڭ ولەڭدەرى مەن قارا سوزدەرىندە ۇلت بولمىسى, ءبىتىمى, تۇرمىسى, تىرشىلىگى, دۇنيەتانىمى, رۋحى ۇنەمى كورىنىس تاۋىپ كەلەدى. بيىلعى مەرەيتوي ەلگە وي سالاتىن, تاعىلىمى مول ناقتى شارالارمەن جالعاسىپ جاتقانىن دا ايتا كەتكەن ءجون. الەمگە تانىمال باس اقىنىمىزدىڭ ەڭبەگىن حالىق بولىپ ۇلىقتاۋ مەملەكەتىمىزدىڭ مەرەيىن ارتتىردى. ۇلى ويشىلدىڭ اسىل مۇراسىن ارداقتاۋ جانە جان-جاقتى دارىپتەۋ – بارشامىزدىڭ مىندەتىمىز. ول ءۇشىن بۇگىنگى بۋىن اباي مۇراسىنان ءنار الىپ, رۋحاني كەمەلدەنۋى قاجەت. بۇل ءۇردىس اباي جىلىنان كەيىن دە جالعاسىن تاباتىن بولادى», - دەدى وبلىس اكىمى.
ەسكەرتكىشتىڭ اشىلۋ سالتاناتىندا قازاقستان جازۋشىلار وداعىنىڭ باسقارما توراعاسى ۇ.ەسداۋلەت, اقىن ا.باقتىگەرەەۆا قۇتتىقتاۋ ءسوز سويلەپ, قر مادەنيەت جانە سپورت ءمينيسترىنىڭ كەڭەسشىسى ە.جۇرىنباەۆ ءمينيستردىڭ ارنايى قۇتتىقتاۋ ءسوزىن جەتكىزدى. شقو اباي اۋدانىنىڭ اكىمى ج.بايسابىروۆ ۇلى اقىنعا قۇرمەت كورسەتىپ جاتقان اقتوبەلىك اعايىنعا العىسىن ءبىلدىردى.
ەسكەرتكىش اۆتورلارى – بەلگىلى ءمۇسىنشى, قازاقستان سۋرەتشىلەر وداعىنىڭ مۇشەسى توقتار ەرمەكوۆ جانە قالامىزداعى ايتەكە بي, ءجالاڭتوس ءباھادۇر, بوكەنباي باتىر, ءاليا سىندى تاريحي ەسكەرتكىشتەردىڭ اۆتورى –جەڭىس جۇبانقوسوۆ. ايتا كەتۋ كەرەك, ەسكەرتكىشتىڭ بيىكتىگى –6,20 مەتر, تۇعىرى –2,40 مەتر, اباي ءمۇسىنى –3,80 مەتر.
